ജയ്പൂര്: രാജസ്ഥാനില് പതിനൊന്നാം നിലയില് നിന്ന് ഒഴിഞ്ഞ ലിഫ്റ്റിലേക്ക് വീണ് കോളേജ് വിദ്യാര്ഥി മരിച്ചു. വാരണാസി സ്വദേശിയും മണിപ്പാല് സര്വകലാശാലയിലെ രണ്ടാം വര്ഷ കംപ്യൂട്ടര് സയന്സ് എഞ്ചിനീയറിങ് വിദ്യാര്ഥിയുമായ കുശാഗ്ര മിശ്രയാണ് മരിച്ചത്.
ജയ്പൂര് അജ്മീര് റോഡിന് സമീപമുള്ള മൈ ഹവേലി അപ്പാര്ട്ട്മെന്റ് സമുച്ചയത്തില് ഞായറാഴ്ച രാത്രിയാണ് സംഭവം. കുശാഗ്ര ഇവിടെ വാടകയ്ക്ക് താമസിച്ചു പഠിക്കുകയായിരുന്നു.
രാത്രി പതിനൊന്നാം നിലയില് നിന്ന് താഴേക്ക് പോകാനാണ് കുശാഗ്ര ലിഫ്റ്റിന് അരികില് എത്തിയത്. ബട്ടണില് അമര്ത്തിയപ്പോള് വാതില് തുറന്നു. എന്നാല് അകത്ത് ലിഫ്റ്റ് ഉണ്ടായിരുന്നില്ല. ഇത് ശ്രദ്ധിക്കാതെ കാല് എടുത്തുവച്ച വിദ്യാര്ഥി താഴേക്ക് വീഴുകയായിരുന്നു.
ലിഫ്റ്റ് തകര്ന്നതായി കെട്ടിടത്തില് താമസിക്കുന്നവര് പറഞ്ഞെങ്കിലും ഉടമസ്ഥന് ശ്രദ്ധിക്കുകയോ ശരിയാക്കുകയോ ചെയ്തില്ലെന്നാണ് ആരോപണം. ഇയാള്ക്കെതിരെ താമസക്കാര് പൊലീസില് പരാതി നല്കിയിട്ടുണ്ട്.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്ട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates