മുംബൈ: കോവിഡ് സ്ഥിരീകരിച്ച ജനപ്രിയ സംഗീതസംവിധായകന് ശ്രാവണ് റാത്തോഡ് ഗുരുതരാവസ്ഥയില്. കഴിഞ്ഞ ദിവസമാണ് ഇദ്ദേഹത്തിന് കോവിഡ് സ്ഥിരീകരിച്ചത്. ലക്ഷക്കണക്കിന് ആരാധകരുടെ ഹൃദയം കവര്ന്ന പാട്ടുകള്ക്ക് ഈണം നല്കിയവരാണ് നദീം - ശ്രാവണ് കൂട്ടുകെട്ട്
അദ്ദേഹത്തിന്റെ ആരോഗ്യനില ഗുരുതരമാണെന്നാണ് റിപ്പോര്ട്ടുകള്. മുംബൈയിലെ മഹിമിലെ രഹെജ ആശുപത്രിയില് ചികിത്സയിലാണ്
1990ല് റിലീസ് ചെയ്ത ആഷിഖി എന്ന ചിത്രത്തിലൂടെയാണ് ഇരുവരും ശ്രദ്ധേയമാകുന്നത്. സിനിമകളുടെ പെരുമഴയായിരുന്നു പിന്നെ. 1991ല് 'ദില്ഹേ കി മാന്താ നഹീന്' എന്ന ചിത്രവും ഗാനങ്ങളും സൂപ്പര് ഹിറ്റ്. തൊട്ടു പിന്നാലെ 'സാജന്', 'സാഥി', 'ഫൂല് ഔര് കാണ്ഡെ' തുടങ്ങി മെഗാഹിറ്റുകളുടെ ഘോഷയാത്ര തന്നെയായിരുന്നു. ഹിന്ദുസ്ഥാനി സംഗീതവും ഗസലുകളും ഖവാലികളും സമന്വയിപ്പിച്ച മെലഡിയും ഇന്ത്യന് ഗ്രാമീണ ജീവിതത്തിന്റെ അലയൊലികളും നാടോടി ഈണങ്ങളുടെ സ്വാധീനവുമാണ് നദീം ശ്രാവണ് ഗാനങ്ങളെ ജനപ്രിയമാക്കിയത്.
ബോളിവുഡ് താരങ്ങളായ രാഹുല് റോയ്, സോനു സൂദ്, അര്ജുന് രാംപാല്, നീല് നിതിന് മുകേഷ്, സുമീത് വ്യാസ്, സമീര റെഡ്ഡി എന്നിവര്ക്കും കോവിഡ് സ്ഥിരികരിച്ചിട്ടുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates