മുംബൈ: മഹാരാഷ്ട്ര നിയമസഭ തെരഞ്ഞടുപ്പിലെ തന്റെ സ്ഥാനാര്‍ത്ഥിത്വം പുനഃപരിശോധിക്കണമെന്ന് കോണ്‍ഗ്രസ് സ്ഥാനാര്‍ത്ഥി. മുംബൈ അന്ധേരി വെസ്റ്റ് മണ്ഡലത്തിലെ സ്ഥാനാര്‍ത്ഥിയും, കോണ്‍ഗ്രസ് സംസ്ഥാന ജനറല്‍ സെക്രട്ടറിയുമായ സച്ചിന്‍ സാവന്താണ് ഈ ആവശ്യവുമായി ഹൈക്കമാന്റിനെ സമീപിച്ചിട്ടുള്ളത്.

മഹാരാഷ്ട്രയുടെ ചുമതലയുള്ള കോണ്‍ഗ്രസ് നേതാവ് രമേശ് ചെന്നിത്തലയോടും സച്ചിന്‍ സാവന്ത് ഈ ആവശ്യം അറിയിച്ചിട്ടുണ്ട്. ബാന്ദ്രേ ഈസ്റ്റ് സീറ്റാണ് താന്‍ ആവശ്യപ്പെട്ടിരുന്നത്. എന്നാല്‍ ആ സീറ്റ് ശിവസേന (ഉദ്ധവ് താക്കറെ) പക്ഷത്തിനാണ്. അന്ധേരി വെസ്റ്റിലെ പ്രാദേശിക കോണ്‍ഗ്രസ് നേതാക്കള്‍ക്കിടയില്‍ എന്റെ സ്ഥാനാര്‍ത്ഥിത്വത്തില്‍ നീരസമുള്ളതായി അറിയിച്ചു. സച്ചിന്‍ സാവന്ത് പറഞ്ഞു.

'കോള്‍ വന്നാല്‍ പേടിക്കേണ്ട, സ്‌ക്രീന്‍ഷോട്ട് എടുത്ത് റെക്കോര്‍ഡ് ചെയ്യുക'; ഡിജിറ്റല്‍ അറസ്റ്റില്‍ മുന്നറിയിപ്പുമായി മോദി

അന്ധേരി വെസ്റ്റ് മണ്ഡലത്തില്‍ ബിജെപി സിറ്റിങ്ങ് എംപി അമീത് സതമിനെയാണ് മത്സരിപ്പിക്കുന്നത്. മഹാ വികാസ് അഘാഡിയുടെ സീറ്റു ധാരണ പ്രകാരം മുംബൈയില്‍ 36 മണ്ഡലങ്ങളില്‍ 10 എണ്ണമാണ് കോണ്‍ഗ്രസിന് അനുവദിച്ചിട്ടുള്ളത്.