മുംബൈ:  സ്റ്റേഷനിലെ ലോക്കപ്പില്‍ നിന്ന് പ്രതി രക്ഷപ്പെട്ട രീതി കണ്ടു ഞെട്ടി പൊലീസ്. ലോക്കപ്പില്‍ നിന്ന് രക്ഷപെട്ട പ്രതിയെ പൊലീസ് പിടികൂടിയിരുന്നു. ശേഷം പ്രതിയോടു രക്ഷപെട്ടതെങ്ങനെയെന്നു വിശദീകരിക്കാന്‍ പൊലീസുകാര്‍ ആവശ്യപ്പെടുകയായിരുന്നു.

മഹാരാഷ്ട്രയിലെ പുണെയില്‍ ചക്കന്‍ പൊലീസ് സ്റ്റേഷനിലാണു സംഭവം. ലോക്കപ്പിലെ രണ്ടു കമ്പികള്‍ക്ക് ഇടയിലുള്ള വിടവിലൂടെ പ്രതി പുറത്തുകടക്കുകയായിരുന്നു. രക്ഷപെട്ടതെങ്ങനെയെന്ന് പ്രതി കാണിച്ചുകൊടുക്കുന്നതിന്റെ വിഡിയോ സമൂഹമാധ്യമങ്ങളില്‍ വ്യാപകമായി പ്രചരിക്കുന്നുണ്ട്. സംഭവത്തെ തുടര്‍ന്ന് സ്റ്റേഷന്റെ സുരക്ഷ വര്‍ധിപ്പിക്കാന്‍ തീരുമാനിച്ചു.