ന്യൂഡല്‍ഹി: അഫ്ഗാനിസ്ഥാനില്‍ താലിബാന്‍ ആക്രമണത്തില്‍ കൊല്ലപ്പെട്ട പ്രശസ്ത ഫോട്ടോ ജേര്‍ണലിസ്റ്റ് ഡാനിഷ് സിദ്ദിഖിയുടെ മൃതദേഹം ഡല്‍ഹി ജാമിയ മിലിയ സര്‍വകലാശാലയില്‍ ഖബറടക്കും. കുടുംബത്തിന്റെ ആവശ്യപ്രകാരമാണ് നടപടി.
ഇന്നു വൈകുന്നേരം ആറ് മണിയോടു കൂടി മൃതദേഹം എയര്‍ ഇന്ത്യ വിമാനത്തില്‍ ഇന്ത്യയിലെത്തിക്കുമെന്നാണ് വിദേശകാര്യ മന്ത്രാലയത്തില്‍ നിന്ന് ലഭിക്കുന്ന വിവരം.
റോയിട്ടേഴ്‌സ്് ചീഫ് ഫോട്ടോഗ്രഫറായിരുന്ന ഡാനീഷ്, അഫ്ഗാന്‍ സൈന്യത്തിനൊപ്പം സഞ്ചരിക്കവെയാണ് കൊല്ലപ്പെട്ടത്. കഴിഞ്ഞ ദിവസം താലിബാന്‍ റെഡ്‌ക്രോസിന് കൈമാറിയ ഡാനിഷിന്റെ മൃതദേഹം ഇന്നലെ രാത്രിയോടെ കാബൂളിലെ ഇന്ത്യന്‍ എംബസിയില്‍ എത്തിച്ചിരുന്നു.
ഇവിടെ നിന്ന് നടപടികള്‍ പൂര്‍ത്തിയാക്കിയാവും മൃതദേഹം നാട്ടിലേക്ക് കൊണ്ടുവരിക. ജാമിയ മിലിയ സര്‍വകലാശാലയില്‍നിന്ന് സാമ്പത്തിക ശാസ്ത്രത്തില്‍ ബിരുദം നേടിയ ഡാനിഷ് ജാമിയയില്‍ നിന്നുതന്നെയാണ് മാധ്യമപഠനവും പൂര്‍ത്തിയാക്കിയത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates