ബംഗളൂരു: 164 യാത്രക്കാരുമായി ഡല്‍ഹിയില്‍ നിന്ന് പറന്നുയര്‍ന്ന എയര്‍ ഇന്ത്യ വിമാനത്തിന് യാത്രാമധ്യേ സാങ്കേതിക തകരാര്‍ സംഭവിച്ചതായി സംശയം. എന്നാല്‍ വിമാനം സുരക്ഷിതമായി ബംഗളൂരു വിമാനത്താവളത്തില്‍ പറന്നിറങ്ങി.
ഇന്ന് പുലര്‍ച്ചെയാണ് സംഭവം. ഡല്‍ഹിയില്‍ നിന്ന് ബംഗളൂരുവിലേക്ക് നേരിട്ട് സര്‍വീസ് നടത്തുന്ന എഐ 504 എയര്‍ ഇന്ത്യ വിമാനത്തിന് യാത്രാമധ്യേ സാങ്കേതിക തകരാര്‍ സംഭവിച്ചതായി പൈലറ്റിന് സംശയം തോന്നിയതായാണ് റിപ്പോര്‍ട്ടുകള്‍. ഹൈഡ്രോളിക് ലെവല്‍ താഴുന്നതായാണ് പൈലറ്റിന് സംശയം തോന്നിയത്. എന്നാല്‍ സുരക്ഷിതമായി ബംഗളൂരുവില്‍ പറന്നിറങ്ങിയതായി എയര്‍ഇന്ത്യ വൃത്തങ്ങളെ ഉദ്ധരിച്ചുള്ള റിപ്പോര്‍ട്ടില്‍ പറയുന്നു.
ഞായറാഴ്ച രാത്രി 9.38നാണ് വിമാനം ഡല്‍ഹിയില്‍ നിന്ന് പറന്നുയര്‍ന്നത്. ഇന്ന് പുലര്‍ച്ചെ 12.47നാണ് സുരക്ഷിതമായി വിമാനം ബംഗളൂരുവില്‍ പറന്നിറങ്ങിയത്. പതിവുപോലെ യാത്രക്കാരെ മുഴുവന്‍ പുറത്തിറക്കി. ഒരു അടിയന്തര സാഹചര്യവും വേണ്ടി വന്നില്ലെന്നും അധികൃതര്‍ അറിയിച്ചു. സാങ്കേതിക തകരാര്‍ സംഭവിച്ചിട്ടുണ്ടോ എന്ന് പരിശോധിക്കുമെന്നാണ് റിപ്പോര്‍ട്ടുകള്‍.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates