ന്യൂഡല്‍ഹി: മദ്യത്തിന്റെ പരമാവധി വിലയില്‍ 25 ശതമാനം വരെ ഡിസ്‌കൗണ്ട് നല്‍കാന്‍ റീട്ടെയ്ല്‍ ഷോപ്പുകള്‍ക്ക് അനുമതി നല്‍കി ഡല്‍ഹി സര്‍ക്കാര്‍ ഉത്തരവ്. ദേശീയ തലസ്ഥാന പ്രദേശത്ത് വിലക്കുറവില്‍ മദ്യം വില്‍ക്കാമെന്ന് എക്‌സൈസ് വകുപ്പ് ഇറക്കിയ ഉത്തരവില്‍ പറയുന്നു.
മദ്യത്തിനു വിലക്കുറവു നല്‍കുന്നത് വിലക്കി ഫെബ്രുവരിയില്‍ സര്‍ക്കാര്‍ ഉത്തരവിറക്കിയിരുന്നു. കോവിഡ് മാനദണ്ഡങ്ങള്‍ ചൂണ്ടിക്കാട്ടിയായിരുന്നു ഉത്തരവ്. വിലക്കുറവു നല്‍കുന്നത് അനാരോഗ്യകരമായ വിപണി ഇടപെടല്‍ ആണെന്നും സര്‍ക്കാര്‍ അഭിപ്രായപ്പെട്ടിരുന്നു.
ലൈസന്‍സ് വ്യവസ്ഥകള്‍ക്ക് അകത്തുനിന്നായിരിക്കണം വില്‍പ്പനയെന്നും ഏതെങ്കിലും വ്യവസ്ഥാ ലംഘനം ശ്രദ്ധയില്‍ പെട്ടാല്‍ നടപടിയെടുക്കുമെന്നും ഉത്തരവില്‍ പറയുന്നു. പൊതുതാത്പര്യം മുന്‍നിര്‍ത്തി ഡിസ്‌കൗണ്ട് അനുമതി പിന്‍വലിക്കാനുള്ള അധികാരം സര്‍്ക്കില്‍ നിക്ഷിപ്തമാണെന്നും ഉത്തരവില്‍ ചൂണ്ടിക്കാട്ടുന്നു.
ഇതുകൂടി വായിക്കൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates