ന്യൂഡല്‍ഹി: രാജ്യതലസ്ഥാനത്ത് നിന്ന് വീണ്ടും ആശ്വാസ വാര്‍ത്ത. ഡല്‍ഹിയില്‍ ടെസ്റ്റ് പോസിറ്റിവിറ്റി നിരക്ക് കുറയുന്നു. ഇന്ന് പുതുതായി 13,287 പേര്‍ക്കാണ് വൈറസ് ബാധ സ്ഥിരീകരിച്ചത്. ഇതോടെ ടെസ്റ്റ് പോസിറ്റിവിറ്റി നിരക്ക് 17.03 ശതമാനമായി.

രോഗബാധിതരേക്കാള്‍ കൂടുതലാണ് രോഗമുക്തരെന്നതും ആശ്വാസം നല്‍കുന്നു. പുതുതായി 14,071 പേരാണ് രോഗമുക്തി നേടിയത്. 24 മണിക്കൂറിനിടെ 300 പേരാണ് വൈറസ് ബാധയെ തുടര്‍ന്ന് മരിച്ചതെന്ന് ഡല്‍ഹി സര്‍ക്കാര്‍ കണക്കുകള്‍ വ്യക്തമാക്കുന്നു.

നിലവില്‍ 82,725 പേരാണ് ചികിത്സയില്‍ കഴിയുന്നത്. ഇതുവരെ 12,58,951 പേരാണ് രോഗമുക്തി നേടിയത്. മരണസംഖ്യ 20,310 ആയി ഉയര്‍ന്നതായി സര്‍ക്കാര്‍ കണക്കുകള്‍ വ്യക്തമാക്കുന്നു.