ന്യൂഡല്ഹി: ഡല്ഹിയില് സ്കൂളുകള്ക്ക് ബോംബ് ഭീഷണി. ഇന്നു രാവിലെ 8.33നാണ് വിവിധ പ്രദേശങ്ങളിലെ ഒന്പതു സ്കുളുകള്ക്ക് ഇമെയില് വഴി ബോംബ് ഭീഷണി ലഭിച്ചത്. ഉടന് തന്നെ ബോംബ് സ്ക്വാഡ് സ്ഥലത്തെത്തി.
ലോറെറ്റോ കോണ്വെന്റ് സ്കൂള്, ഡല്ഹി കന്റോണ്മെന്റ് കേംബ്രിഡ്ജി സ്കൂള്, നോര്ത്ത് വെസ്റ്റ് ഡല്ഹിയിലെ രോഹിണി സിഎം സ്കൂള്, രോഹിണി ബാല് ഭാരതി സ്കൂള്, രോഹണി കേംബ്രിഡ്ജ് സ്കൂള്, സൗത്ത് ഡല്ഹിയിലെ ന്യൂ ഫ്രണ്ട്സ് കോളനി ദി ഇന്ത്യന് സ്കൂള്, സൗത്ത് ഡല്ഹിയിലെ സാദിഖ് നഗര് ഡിടിഎ സ്കൂള്, ഐഎന്എ തുടങ്ങിയ സ്കൂളുകള്ക്കാണ് ഭീഷണി സന്ദേശം എത്തിയത്.
ഡല്ഹി ഖലിസ്ഥാന് ആയി മാറുമെന്നാണ് ഭീഷണി സന്ദേശം ഉള്പ്പെട്ട മെയിലിലുള്ളത്. ഫെബുവരി 13ന് ഉച്ചയ്ക്ക് 1.11ന് പാര്ലമെന്റില് സ്ഫോടനം നടക്കുമെന്നാണ് മെയിലില് പറയുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates