ന്യൂഡല്ഹി: വാര്ത്താ മാധ്യമങ്ങളിലെ ഉള്ളടക്കം ഉപയോഗിക്കുന്ന ഡിജിറ്റല് പ്ലാറ്റ്ഫോമുകള് മാധ്യമ സ്ഥാപനങ്ങളുമായി വരുമാനം പങ്കിടണമെന്നു കേന്ദ്ര മന്ത്രി അശ്വിനി വൈഷ്ണവ്. സ്വമേധയാ വരുമാനം പങ്കിടാന് തയ്യാറാകുന്നില്ലെങ്കില് മറ്റ് രാജ്യങ്ങളില് ഇതിനായി നിയമ നിര്മാണം നടത്തിയ കാര്യവും മന്ത്രി ഓര്മിപ്പിച്ചു.
ഡിജിറ്റല് ന്യൂസ് പബ്ലിഷേഴ്സ് അസോസിയേഷന് സംഘടിപ്പിച്ച ഡിഎന്പിഎ കോണ്ക്ലേവ് ഉദ്ഘാടനം ചെയ്യുകയായിരുന്നു മന്ത്രി. പ്രമുഖ മാധ്യമ സ്ഥാപനങ്ങള് മുതല് ഉള്പ്രദേശങ്ങളിലെ സ്വതന്ത്ര സ്രഷ്ടാക്കള് വരെ ഇക്കാര്യം ശ്രദ്ധിക്കണം. മാധ്യമ പ്രവര്ത്തകര്, പരമ്പരാഗത മാധ്യമങ്ങള്, ഇന്ഫ്ളുവന്സേഴ്സ്, പ്രൊഫസര്മാര്, ഗവേഷകര് എന്നിവര്ക്കെല്ലാം ഇതു ബാധകമാകണം.
സമൂഹ മാധ്യമ പ്ലാറ്റ്ഫോമുകള് ഉള്ളടക്കത്തിന്റെ ഉത്തരവാദിത്വം ഏറ്റെടുക്കണം. ആരുടെയും അനുമതിയില്ലാതെ ഒരാളുടെ മുഖം, ശബ്ദം എന്നിവയുപയോഗിച്ച് സിന്തറ്റിക്ക് കണ്ടന്റ് സൃഷ്ടിക്കരുത്. അത്തരം ഉള്ളടക്കം സൃഷ്ടിക്കുന്നുണ്ടെങ്കില് അവരുടെ അനുമതി ആവശ്യമാണ്- മന്ത്രി വ്യക്തമാക്കി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates