ചെന്നൈ: പ്രായപൂര്ത്തിയാകാത്ത പെണ്കുട്ടിയെ പീഡിപ്പിച്ച സംഭവത്തില് പ്രമുഖ ചലച്ചിത്ര സംവിധായകന് എസ് ശങ്കറിന്റെ മരുമകനെതിരെ പൊലീസ് കേസ് എടുത്തു. പോക്സോ ഉള്പ്പടെയുള്ള വകുപ്പുകള് പ്രകാരമാണ് പൊലീസ് എടുത്തിരിക്കുന്നത്
ക്രിക്കറ്റ് പരിശീലനത്തിനായി എത്തിയ പെണ്കുട്ടിയെ ലൈംഗികമായി ഉപദ്രവിച്ചു എന്നാണ് പരാതി. മറ്റ് നാല് പേര്ക്കെതിരെയും കേസ് എടുത്തിട്ടുണ്ട്. താമരൈക്കണ്ണന്, ജയകുമാര്, സെയ്ചെം മധുര പാന്തേഴ്സ് ക്രിക്കറ്റ് ക്ലബ് പ്രസിഡന്റ് ദാമോദരന്, മകന് രോഹിത്, സെക്രട്ടറി വെങ്കട്ട് എന്നിവര്ക്കെതിരെയാണ് കേസ് എടുത്തിരിക്കുന്നത്.
അധികൃതര്ക്ക് പരാതി നല്കിയാല് ഗുരുതരമായ പ്രത്യാഘാതങ്ങള് നേരിടേണ്ടിവരുമെന്ന് ഭീഷണിപ്പെടുത്തിയതിനെ തുടര്ന്ന് പെണ്കുട്ടി ശിശുക്ഷേമ സമിതിക്ക് കത്തെഴുതിയിരുന്നു. തുടര്ന്ന് മേട്ടുപാളയം പൊലീസ് പ്രതികള്ക്കെതിരെ കേസ് എടുക്കുയായിരുന്നു
സംവിധായകന് ശങ്കറിന്റെ മൂത്ത മകള് ഐശ്വര്യയും രോഹിത് ദാമോദരനും തമ്മില് ഈ വര്ഷം ജൂണില് ചെന്നൈയില് വച്ചായിരുന്നു വിവാഹം. തമിഴ്നാട് മുഖ്യമന്ത്രി എം.കെ. സ്റ്റാലിന് വിവാഹത്തില് പങ്കെടുത്തിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates