ചെന്നൈ: തമിഴ്‌നാട്ടില്‍ വീട്ടുകാരെ രക്ഷിക്കാന്‍ പാമ്പുമായി ധീരമായി പോരാടിയ വളര്‍ത്തുനായയ്ക്ക് ജീവന്‍ നഷ്ടമായി. വീട്ടിലേക്ക് കയറാന്‍ ശ്രമിച്ച മൂര്‍ഖന്‍ പാമ്പുമായാണ് നായ പോരാടിയത്. വീട്ടിലേക്ക് കയറുന്നത് തടഞ്ഞ് കുടുംബത്തെ രക്ഷിക്കുന്നതിനിടെയാണ്, നായയ്ക്ക് മൂര്‍ഖന്റെ കടിയേറ്റത്.

പുതുക്കോട്ടയിലാണ് സംഭവം. ജയപാലിന്റെ വളര്‍ത്തുനായയാണ് ചത്തത്. കഴിഞ്ഞ പത്തുവര്‍ഷമായി ജയപാലിന്റെ വീട്ടിലുള്ള നായയ്ക്കാണ് ജീവന്‍ നഷ്ടമായത്. വീട്ടില്‍ ഇഴഞ്ഞുകയറുന്നതില്‍ നിന്ന് മൂര്‍ഖനെ തടഞ്ഞ നായയ്ക്ക് കടിയേറ്റതായി ആരും കരുതിയിരുന്നില്ല. 

എന്നാല്‍ രാത്രിയില്‍ വാതില്‍ തുറന്ന് ജയപാല്‍ വെളിയിലേക്ക് വന്നപ്പോഴാണ് നായ ചത്തുകിടക്കുന്നത് കണ്ടത്. വീടിന്റെ മുന്‍വശത്താണ് നായയെ കണ്ടെത്തിയത്. നായയോടുള്ള സ്‌നേഹം നിമിത്തം വീട്ടിലെ ആചാരപ്രകാരമാണ് ജയപാല്‍ നായയുടെ സംസ്‌കാരം നടത്തിയത്.

ഈ വാർത്ത കൂടി വായിക്കൂ 

'ഭാര്യമാരെ കൈമാറ്റം'; യുവതി തയ്യാറായില്ല; ഹോട്ടലില്‍ പൂട്ടിയിട്ട്‌ ഭര്‍ത്താവിന്റെ ക്രൂരമര്‍ദ്ദനം; കേസ്

സമകാലിക മലയാളം ഇപ്പോൾ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾ അറിയാൻ ക്ലിക്ക് ചെയ്യൂ