ബംഗളൂരു: വിമാനയാത്രയ്ക്കിടെ സഹയാത്രികയ്ക്ക് നേരെ ലൈംഗികാതിക്രമം നടത്തിയ കേസില്‍ 52കാരന്‍ അറസ്റ്റില്‍. ഫ്രാങ്ക്ഫര്‍ട്ട്- ബംഗളൂരു ലുഫ്താന്‍സ വിമാനത്തില്‍ 32കാരി ഉറങ്ങുമ്പോള്‍ തൊട്ടടുത്ത് ഇരുന്ന സഹയാത്രികന്‍ സ്വകാര്യഭാഗത്ത് സ്പര്‍ശിക്കുകയും മോശമായി പെരുമാറുകയും ചെയ്തു എന്നതാണ് കേസ്.
നവംബര്‍ ആറിനാണ് കേസിനാസ്പദമായ സംഭവം. തിരുപ്പതി സ്വദേശിയായ യുവതിക്കാണ് ദുരനുഭവം ഉണ്ടായത്. വിമാനത്തില്‍ ഉറങ്ങുമ്പോള്‍ തൊട്ടരികില്‍ ഇരുന്ന 52കാരന്‍ മോശമായി പെരുമാറി എന്നാണ് പരാതിയില്‍ പറയുന്നത്. ഉപദ്രവം തുടര്‍ന്നതോടെ, വിമാനത്തിലെ ജീവനക്കാരോട് പറഞ്ഞ് സീറ്റ് മാറിയിരുന്നു. തുടര്‍ന്ന് വിമാനം ബംഗളൂരുവില്‍ എത്തിയപ്പോള്‍ കെപഗൗഡ ഇന്റര്‍നാഷണല്‍ എയര്‍പോര്‍ട്ട് പൊലീസ് സ്റ്റേഷനില്‍ പരാതി നല്‍കുകയായിരുന്നു.
ലൈംഗികാതിക്രമം ചുമത്തിയാണ് 52കാരനെതിരെ കേസെടുത്തത്. 52കാരനെ അറസ്റ്റ് ചെയ്ത് കോടതിയില്‍ ഹാജരാക്കി. പിന്നീട് പ്രതി ജാമ്യത്തില്‍ ഇറങ്ങിയതായി പൊലീസ് പറയുന്നു.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates