ഭുവനേശ്വര്‍: ഭാര്യയുടെ ചിതയില്‍ ചാടി 65കാരന്‍ ജീവനൊടുക്കി. ഒഡിഷയിലെ കലഹണ്ടി ജില്ലയിലെ സിയാല്‍ജോദിലെ ഖലമുണ്ടിയിലാണ് സംഭവം. ഗ്രാമപഞ്ചായത്ത് മുന്‍ സമിതി അംഗമായ നിലാമനി സബര്‍ ആണ് മരിച്ചത്. കഴിഞ്ഞ ദിവസം മരിച്ച ഭാര്യ റായ്ബറിന്റെ ചിതയിലേക്ക് ചാടുകയായിരുന്നു.

സംസ്‌കാരച്ചടങ്ങുകളോടനുബന്ധിച്ച് കൂടെയുണ്ടായിരുന്ന നാലു മക്കളും കുളിക്കാന്‍ പോയ സമയത്താണ് നിലാമനി സബര്‍ ചിതയിലേക്ക് എടുത്തുചാടിയത്. തല്‍ക്ഷണം മരിച്ചു. ഭാര്യയുടെ വിയോഗം താങ്ങാനാവാതെ സബര്‍ ചിതയിലേക്ക് ചാടുകയായിരുന്നെന്ന് ദൃക്‌സാക്ഷികള്‍ പറഞ്ഞു. അസാധാരണമരണത്തിന് കേസ് എടുത്തതായി പൊലീസ് അറിയിച്ചു.