വഡോദര: നഗരത്തിലെ നദിക്കരയില്‍ വച്ച് കുരങ്ങനെ വിഴുങ്ങിയ പതിനൊന്ന് അടി നീളമുള്ള പെരുമ്പാമ്പിനെ വനംവകുപ്പ് അധികൃതര്‍ പിടികൂടി കാട്ടില്‍ വിട്ടു.
കഴിഞ്ഞ ദിവസം വഡോദരയിലെ നദിക്കരയില്‍ നിന്നാണ് പെരുമ്പാമ്പിനെ പിടികൂടിയത്.

ഇരവിഴുങ്ങി കിടക്കുന്ന പെരുമ്പാമ്പിനെ കണ്ടെത്തിയതിനെ തുടര്‍ന്ന് നാട്ടുകാര്‍ വനം വകുപ്പ് ഉദ്യോഗസ്ഥരെ അറിയിക്കുകയായിരുന്നു. തുടര്‍ന്ന് ഉദ്യോഗസ്ഥര്‍ സംഭവസ്ഥലത്ത് എത്തി. കുറച്ചുനേരത്തെ ശ്രമത്തിന് ശേഷം പാമ്പിനെ പിടികൂടുകയായിരുന്നു. വിഴുങ്ങിയെ കുരങ്ങനെ പെരുമ്പാമ്പ് പുറന്തള്ളി.

പാമ്പ് ഇപ്പോഴും നിരീക്ഷണത്തില്‍ തുടരുകയാണെന്ന് വനം വകുപ്പ് അധികൃതര്‍ പറഞ്ഞു.