ന്യൂഡല്‍ഹി: രാജ്യത്തെ പ്രമുഖ നിയമ പണ്ഡിതനും മുന്‍ അറ്റോര്‍ണി ജനറലുമായ സോളി സൊറാബ്ജി അന്തരിച്ചു. 91 വയസ്സായിരുന്നു. കോവിഡ് ബാധയെത്തുടര്‍ന്നാണ് മരണം. സ്വകാര്യ ആശുപത്രിയില്‍ ചികിത്സയിലായിരുന്നു.

ഏഴു പതിറ്റാണ്ട് അഭിഭാഷക വൃത്തിയില്‍ തുടര്‍ന്ന സോളി സൊറാബ്ജി രണ്ടു വട്ടം അറ്റോര്‍ണി ജനറല്‍ ആയി നിയമിതനായി. 1989-90, 1998-2004 കാലത്തായിരുന്നു ഇത്. 

1930ല്‍ ജനിച്ച സോളി സൊറാബ്ജി 1953ല്‍ അഭിഭാഷകനായി എന്റോള്‍ ചെയ്തു. 1971ല്‍ ബോംബെ ഹൈക്കോടതിയില്‍ സീനിയര്‍ അഭിഭാഷകനായി. രാജ്യം പദ്മവിഭൂഷണ്‍ ബഹുമതി നല്‍കി ആദരിച്ചിട്ടുണ്ട്.