ന്യൂഡൽഹി: ഡൽഹി മെട്രോയിൽ സുഹൃത്തുക്കളായ ഒരു ആൺകുട്ടിയും പെൺകുട്ടിയും തമ്മിലുണ്ടായ അടിയാണ് സോഷ്യൽമീഡിയയിൽ വൈറലാകുന്നത്. യാത്രക്കാരിലൊരാൾ പകർത്തിയ വിഡിയോയിൽ ആൺകുട്ടിയെ പെൺകുട്ടി നിർത്താതെ അടിക്കുന്നത് കാണാം. ടീഷർട്ടിന്റെ വിലയെക്കുറിച്ചുള്ള തർക്കമാണ് ട്രെയിനിൽ വച്ച് നാട്ടുകാർ നോക്കിനിൽക്കെ ഇരുവരും തല്ലി തീർത്തത്. 

ഞാൻ അമ്മയോട് പറയുമെന്നും നിന്നെപ്പോലെ ഒരു ചെറുക്കനെ ആർക്കും കിട്ടരുതെന്നുമെല്ലാം പെൺകുട്ടി പറയുന്നത് കേൾക്കാം. താൻ സാറയിൽ നിന്ന് 1000 രൂപയ്ക്ക് ഒരു ടീ ഷർട്ട് വാങ്ങി എന്ന് പെൺകുട്ടി പറഞ്ഞപ്പോൾ അതിനെ ആൺകുട്ടി കളിയാക്കിയതാണ് വഴക്കിന്റെ തുടക്കം. 150 രൂപയിൽ കൂടുതൽ എന്തായാലും ഈ ടീ ഷർട്ടിന് വില വരില്ല എന്നായിരുന്നു ആൺകുട്ടിയുടെ വാദം. ഇത് പെൺകുട്ടിയെ ചൊടിപ്പിച്ചു. 

ഇതൊരു പൊതു സ്ഥലമാണെന്ന് ആൺകുട്ടി ഇടയ്ക്ക് ഓർമ്മിപ്പിക്കുന്നതും വിഡിയോയിൽ കാണാം. എന്നാൽ അവൾ അതൊന്നും കാര്യമാക്കുന്നില്ല. അവസാനം ആൺകുട്ടി അവളെ തിരിച്ചു തല്ലുന്നതും വിഡിയോയിലുണ്ട്. നരവധിപ്പേരാണ് ഇതിനോടകം വിഡിയോ കണ്ടത്. പൊതുസ്ഥലത്തെ ഇത്തരം പെരുമാറ്റം തെറ്റാണെന്ന് ചിലർ പ്രതികരിച്ചപ്പോൾ മറ്റുചിലർ സം​ഗതി മുൻകൂട്ടി പദ്ധയിട്ടൊരുക്കിയ വിഡിയോ ആണെന്നാണ് അഭിപ്രായപ്പെടുന്നത്.  

ഈ വാര്‍ത്ത കൂടി വായിക്കൂ 

മൂന്നാം ദിവസവും 20,000നു മുകളില്‍ കോവിഡ് ബാധിതര്‍, ഇന്നലെ 56 മരണം

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ