മുംബൈ: പ്രായപൂർത്തിയാകാത്ത ആളുടെ കൈ പിടിച്ച് സ്നേഹം പ്രകടിപ്പിക്കുന്നത് ലൈംഗിക പീഡനത്തിന് തുല്യമല്ലെന്ന്​ പോക്​സോ കോടതി. 17കാരിയായ പെൺകുട്ടിയുടെ കൈപിടിച്ച്​ പ്രണയാഭ്യർഥന നടത്തിയ പ്രതിയെ കുറ്റവിമുക്തനാക്കിയാണ് കോടതിയുടെ നിരീക്ഷണം. പ്രതിക്ക് ലൈം​ഗിക ഉദ്ദേശം ഉണ്ടെന്ന് പറയാൻ തെളിവുകളില്ലെന്ന് കോടതി പറഞ്ഞു. 

2017ൽ അറസ്റ്റിലായ 28കാരനായ യുവാവിനെയാണ് കുറ്റവിമുക്തനാക്കിയത്. "പ്രതി പെൺകുട്ടിയെ നിരന്തരം പിന്തുടരുകയോ, ഒറ്റപ്പെട്ട സ്ഥലത്ത് എത്തിക്കുകയോ കുട്ടിയെ ഉപദ്രവിക്കുക എന്ന ഉദ്ദേശ്യത്തോടെ ബലപ്രയോഗം നടത്തുകയോ ചെയ്തതായി തെളിവില്ല. കു​റ്റം ചെയ്​തിട്ടുണ്ടെന്ന്​ സംശയാതീതമായി തെളിയിക്കാൻ പ്രോസിക്യൂഷന് കഴിഞ്ഞില്ല. അതിനാൽ സംശയത്തിൻറെ ആനുകൂല്യത്തിൽ കുറ്റവിമുക്തനാക്കുന്നു", കോടതി പറഞ്ഞു.