ചെന്നൈ: ഭര്ത്താവ് ഏര്പ്പെടുത്തിയ ക്വട്ടേഷന് സംഘം ഭാര്യയെ കൊലപ്പെടുത്തി. 28കാരിയായ ജയഭാരതിയാണ് കൊല്ലപ്പെട്ടത്.
അമേരിക്കയില് ജോലി ചെയ്യുന്ന ഭര്ത്താവിന്റെ നിര്ദേശപ്രകാരമാണ് കൊലപ്പെടുത്തിയത്. തമിഴ്നാട്ടിലെ തിരുവാരൂര് ജില്ലയിലെ കിദാരങ്കോണ്ടം പട്ടണത്തിലാണ് സംഭവം.
ഇരുചക്രവാഹനത്തില് ജോലി കഴിഞ്ഞ് മടങ്ങുകയായിരുന്ന ജയഭാരതിയെ കടവയ്യാരു പാലത്തില് എതിര്ദിശയില് നിന്ന് വന്ന മിനി ട്രക്ക് ഇടിക്കുകയായിരുന്നു. വഴിയില് വീണ യുവതിയെ വഴിയാത്രക്കാര് ആശുപത്രിയിലത്തെിച്ചെങ്കിലും രക്ഷിക്കാന് കഴിഞ്ഞില്ല.
അപകടത്തെക്കുറിച്ച് ജയഭാരതിയുടെ കുടുംബത്തിന് തുടക്കം മുതല് സംശയമുണ്ടായിരുന്നു. ബന്ധുക്കള് അപകടസ്ഥലത്തെത്തി വിവരങ്ങള് ശേഖരിച്ച്, തിരുവാരൂര് താലൂക്ക് പൊലീസ് സ്റ്റേഷനില് പരാതി നല്കി. തുടര്ന്ന്, വിവിധ വകുപ്പ് പ്രകാരം പൊലീസ് കേസ് രജിസ്റ്റര് ചെയ്തു നടത്തിയ അന്വേഷണത്തിലാണ് കൊലപാതകമാണെന്ന് വെളിപ്പെടുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates