ന്യൂഡല്‍ഹി: രാജ്യത്ത് കഴിഞ്ഞ 24 മണിക്കൂറിനുള്ളില്‍ 38,949 പേര്‍ക്ക് കോവിഡ് 19 സ്ഥിരീകരിച്ചു. 40,026 പേര്‍ രോഗമുക്തരായി. 542 പേര്‍ മരിച്ചു. ഇതോടെ രാജ്യത്ത് രോഗം സ്ഥിരീകരിച്ചവരുടെ ആകെ എണ്ണം 3,10,26,829ആയി. 3,01,83,876 പേരാണ് ആകെ രോഗമുക്തരായത്. 4,30,422പേര്‍ ചികിത്സയിലുണ്ട്. 4,12,531പേര്‍ മരിച്ചു. 97.28ആണ് രോഗമുക്തി നിരക്ക്.

39,53,43,767പേര്‍ക്കാണ് രാജ്യത്ത് ഇതുവരെ കോവിഡ് പ്രതിരോധ വാക്‌സിന്‍ നല്‍കിയത്. കഴിഞ്ഞ 24 മണിക്കൂറില്‍ 38,78,078പേര്‍ക്കാണ് വാക്‌സിന്‍ നല്‍കിയത്. 

കേരളത്തിലാണ് നിലവില്‍ ഏറ്റവും കൂടുതല്‍ കോവിഡ് കേസുകള്‍ റിപ്പോര്‍ട്ട് ചെയ്യുന്നത്. ഇന്നലെ സംസ്ഥാനത്ത് 13,773 പേര്‍ക്കാണ് രോഗം സ്ഥിരീകരിച്ചത്. 1,25,742 സാമ്പിളുകളാണ് പരിശോധിച്ചത്. ടെസ്റ്റ് പോസിറ്റിവിറ്റി നിരക്ക് 10.95 ആണ്