ന്യൂഡല്‍ഹി: രാജ്യത്ത് പ്രതിദിന കോവിഡ് കേസുകള്‍ പതിനായിരത്തിന് മുകളില്‍ തന്നെ. കഴിഞ്ഞ ദിവസത്തെ അപേക്ഷിച്ച് കോവിഡ് കേസുകളില്‍ നേരിയ കുറവുണ്ട് എന്നുമാത്രം. 24 മണിക്കൂറിനിടെ 10,093 പേര്‍ക്കാണ് കോവിഡ് സ്ഥിരീകരിച്ചത്. കഴിഞ്ഞ ദിവസം 10,753 പേരിലാണ് വൈറസ് ബാധ കണ്ടെത്തിയത്. 

നിലവില്‍ 57,542 പേരാണ് രോഗം ബാധിച്ച് ചികിത്സയില്‍ കഴിയുന്നത്. കഴിഞ്ഞ മണിക്കൂറുകളില്‍ 23 പേര്‍ കൂടി കോവിഡ് ബാധിച്ച് മരിച്ചതായും സര്‍ക്കാര്‍ കണക്കുകള്‍ വ്യക്തമാക്കുന്നു. 1.19 ശതമാനമാണ് മരണനിരക്ക്. 

24 മണിക്കൂറിനിടെ 6248 പേരാണ് രോഗമുക്തി നേടിയത്. ഇതോടെ രോഗമുക്തി നിരക്ക് 98.68 ശതമാനമായി ഉയര്‍ന്നതായും സര്‍ക്കാര്‍ കണക്കുകള്‍ വ്യക്തമാക്കുന്നു.

ഈ വാര്‍ത്ത കൂടി വായിക്കൂ 

മദ്യനയക്കേസ്: കെജരിവാളിനെ ഇന്ന് ചോദ്യം ചെയ്യും; വന്‍ പ്രതിഷേധത്തിന് എഎപി; സിബിഐ ഓഫീസ് പരിസരത്ത് നിരോധനാജ്ഞ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ