ന്യൂഡല്ഹി: അതിര്ത്തിയില് ചൈനയുമായുള്ള സംഘര്ഷം തുടരുന്നതിനിടെ, ഭൂതല- ഭൂതല ബാലിസ്റ്റിക് മിസൈല് പരീക്ഷിച്ച് ഇന്ത്യ. 5000 കിലോമീറ്റര് ദൂരപരിധിയിലുള്ള ലക്ഷ്യസ്ഥാനം വരെ തകര്ക്കാന് ശേഷിയുള്ള പുതുതലമുറ അഗ്നി- 5 മിസൈലിന്റെ പരീക്ഷണം വിജയകരമായി നടന്നത്.
5000 കിലോമീറ്റര് ദൂരപരിധി
ഒഡീഷ തീരത്തായിരുന്നു പരീക്ഷണം. മൂന്ന് ഘട്ടമായുള്ള സോളിഡ് -ഫ്യൂവല്ഡ് എന്ജിനാണ് ഇതില് ഉപയോഗിച്ചിരിക്കുന്നത്. 5000 കിലോമീറ്റര് അകലെയുള്ള ലക്ഷ്യസ്ഥാനവും കൃത്യമായി തകര്ക്കാന് ശേഷിയുള്ളതാണ് മിസൈല്. 'വിശ്വസനീയമായ മിനിമം പ്രതിരോധം' എന്ന ഇന്ത്യയുടെ നയത്തിന്റെ ഭാഗമായിരുന്നു മിസൈല് പരീക്ഷണം.
അഗ്നി- 5 മിസൈല് പരീക്ഷണം
ജൂണില് ആണവ പോര്മുന വാഹകശേഷിയുള്ള അത്യാധുനിക മിസൈലായ അഗ്നി പ്രൈം ഇന്ത്യ വിജയകരമായി പരീക്ഷിച്ചിരുന്നു. അഗ്നി- 4, അഗ്നി- 5 എന്നി മിസൈലുകളുടെ സാങ്കേതികവിദ്യയാണ് ഇതില് ഉപയോഗിച്ചത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates