ന്യൂഡൽഹി: കഴിഞ്ഞ 12 വർഷത്തിനിടെ 16 ലക്ഷത്തിലധികം ആളുകൾ ഇന്ത്യൻ പൗരത്വം ഉപേക്ഷിച്ചതായി റിപ്പോർട്ട്.  2022ൽ മാത്രം 2,25,620 പേരാണ് പൗരത്വം ഉപേക്ഷിച്ചത്. രാജ്യസഭയിൽ ഇന്ത്യൻ പൗരത്വം ഉപേക്ഷിച്ചവരുടെ കണക്കിനെ കുറിച്ച് വിദേശകാര്യമന്ത്രി എസ് ജയ്‌ശങ്കർ രേഖാമൂലം നൽകിയ മറുപടിയിലാണ് ഇക്കാര്യം വ്യക്തമാക്കുന്നത്.

കഴിഞ്ഞ മൂന്ന് വർഷത്തിനിടെ അഞ്ച് പേർ യുഎഇ പൗരത്വം സ്വീകരിച്ചതായും അദ്ദേഹം സഭയിൽ വ്യക്തമാക്കി. 2020ലാണ് പൗരത്വം ഉപേക്ഷിക്കപ്പെട്ടവരുടെ സമീപകാലത്തെ ഏറ്റവും കുറവ് സംഖ്യ. 85,256 പേരാണ് അക്കൊല്ലം പൗരത്വം ഉപേക്ഷിച്ചത്.

2015ൽ 1,31,489 പേർ, 2016ൽ 1,41,603, 2017ൽ 1,33,049, 2018ൽ 1,34,561, 2019ൽ 85,256, 2021ൽ 1,63,370, 2022 ൽ 2,25,620 എന്നിങ്ങനെയാണ് കണക്കുകൾ. ഇന്ത്യക്കാർ പൗരത്വം സ്വീകരിച്ച 135 രാജ്യങ്ങളുടെ പട്ടികയും സഭയിൽ കേന്ദ്രമന്ത്രി വിശദീകരിച്ചു. 2011 മുതൽ 2022 വരെ 16,63,440 പേർ ഇന്ത്യൻ പൗരത്വം ഉപേക്ഷിച്ചതായി ജയ്‌ശങ്കർ പറഞ്ഞു.

ഈ വാര്‍ത്ത കൂടി വായിക്കൂ 

ചരിത്രനേട്ടം; മൂന്ന് ഉപഗ്രഹങ്ങള്‍ ഭ്രമണപഥത്തില്‍; എസ്എസ്എല്‍വി ഡി 2 വിക്ഷേപണം വിജയകരം; വീഡിയോ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ