ന്യൂഡൽഹി: യുകെയിൽ നിന്ന് ഡൽഹിയിലെത്തുന്ന യാത്രക്കാർ ഇനി നിർബന്ധിത ക്വാറന്റീനിൽ പ്രവേശിക്കണ്ട. കോവിഡ് നെഗറ്റീവാണെന്നു കണ്ടെത്തിയാൽ ഇൻസ്റ്റിറ്റ്യൂഷൻ ക്വാറന്റീൻ ആവശ്യമില്ലെന്നു ഡൽഹി സർക്കാരിന്റെ പുതിയ ഉത്തരവിൽ പറയുന്നു. ആർടിപിസിആർ പരിശോധനയിൽ നെ​ഗറ്റീവ് ആണെന്ന് കണ്ടെത്തിയാൽ 14 ദിവസം വീടുകളിൽ സെൽഫ് ക്വാറന്റീൻ മാത്രം മതിയെന്നാണ് പുതിയ നിർദേശം. 

നേരത്തെ 7 ദിവസം സർക്കാർ ഒരുക്കുന്ന കേന്ദ്രങ്ങളിലും 7 ദിവസം വീട്ടിലും ക്വാറന്റീൻ നിർബന്ധമാക്കിയിരുന്നു. യുകെയിൽ പുതിയ കോവിഡ് വകഭേദം കണ്ടെത്തിയതിന് പിന്നാലെ നിർത്തിവച്ച വിമാന സർവ‌ീസ് പുനഃരാരംഭിച്ചപ്പോഴായിരുന്നു നിർബന്ധിത ക്വാറന്റീൻ നിലവിൽ വന്നത്.