മംഗളൂരു: കര്‍ണാടകയിലെ പ്രമുഖ വ്യാപാരി മുംതാസ് അലിയെ കാണാതായ സംഭവത്തില്‍ അന്വേഷണം ആരംഭിച്ച് മംഗളൂരു പൊലീസ്. ജനതാദള്‍ സെക്കുലര്‍ എംഎല്‍സി അംഗം ബി എം ഫാറൂഖിന്റെയും മുന്‍ കോണ്‍ഗ്രസ് എംഎല്‍എ മുഹിയുദ്ദീന്‍ ബാവയുടെയും സഹോദരനാണ് കാണാതായ മുംതാസ് അലി.

ഇന്ന് രാവിലെയാണ് മുംതാസ് അലിലെ കാണാതായത്. ഇദ്ദേഹത്തിന്റെ ആഢംബര കാര്‍ മംഗളൂരുവിലെ കുളൂര്‍ പാലത്തിന് സമീപത്ത് തകര്‍ന്ന നിലയില്‍ കണ്ടെത്തിയതായി മംഗളൂരു പൊലസ് കമ്മീഷണര്‍ അനുപം അഗര്‍വാള്‍ പറഞ്ഞു.

വിദ്യാര്‍ത്ഥികള്‍ക്ക് ചോദ്യപേപ്പര്‍ ചോര്‍ത്തി സന്ദീപ് ഘോഷ്-ആശിഷ് പാണ്ഡെ കൂട്ടുകെട്ട് പണം സമ്പാദിച്ചു; നിര്‍ണായക തെളിവുകള്‍ ലഭിച്ചെന്ന് സിബിഐ

മുംതാസ് പാലത്തില്‍ നിന്ന് താഴേക്ക് വീണതാകാമെന്ന നിഗമനത്തില്‍ കോസ്റ്റ്ഗാര്‍ഡും എസ്ഡിആര്‍എഫ് സംഘവും നദിയില്‍ വ്യാപക പരിശോധന ആരംഭിച്ചിട്ടുണ്ട്.

പുലര്‍ച്ചെ മൂന്ന് മണിയോടെ വീട്ടില്‍ നിന്നും കാറില്‍ പുറത്തേക്ക് പോയ മുംതാസ് അഞ്ച് മണിയോടെ മംഗളൂരുവിലെ കുളൂര്‍ പാലത്തിന് സമീപം വാഹനം നിര്‍ത്തിയിരുന്നു. കാര്‍ അപകടത്തില്‍പ്പെട്ടതിന്റെ അടയാളങ്ങള്‍ വാഹനത്തില്‍ കണ്ടെത്തിയിട്ടുണ്ടെന്നും മംഗളൂരു പൊലീസ് കമീഷണര്‍ അനുപം അഗ്രവാള്‍ അറിയിച്ചു.