ബെംഗളൂരു: കർണാടക നിയമസഭ കൗൺസിൽ ഉപാധ്യക്ഷനും ജെഡിഎസ് നേതാവുമായ എസ് എൽ ധർമഗൗഡയുടെ (64) മൃതദേഹം റെയിൽവേ പാളത്തിൽ കണ്ടെത്തി. ആത്മഹത്യയാണെന്നാണ് പ്രാഥമിക നിഗമനം. ചിക്കമംഗളൂരുവിലെ റെയിൽവേ പാളത്തിൽ അർധരാത്രിയോടെയാണ് മൃതദേഹം കണ്ടെത്തിയത്.

കഴിഞ്ഞ രാത്രി ധർമഗൗഡയെ വീട്ടിൽ നിന്ന് കാണാതായിരുന്നു. അന്വേഷണത്തിനിടെയാണ് മൃതദേഹം കണ്ടെത്തിയത്. റെയിൽവേ ട്രാക്കിൽ നിന്ന് ആത്മഹത്യാ കുറിപ്പും കണ്ടെത്തിയതായി റിപ്പോർട്ടുണ്ട്. 

അടുത്തിടെ  നിയമസഭാ സമ്മേളനത്തിൽ ധർമഗൗഡ അധ്യക്ഷസ്ഥാനം വഹിക്കുന്നതിനെതിരെ കോൺഗ്രസ് അംഗങ്ങൾ പ്രതിഷേധമുയർത്തിയിരുന്നു.