വാഷിങ്ടണ്: കോവിഡ് വ്യാപനം അതിരൂക്ഷമായി തുടരുന്ന സാഹചര്യത്തില് എത്രയും വേഗം ഇന്ത്യയില് നിന്ന് തിരിച്ചെത്താന് പൗരന്മാര്ക്ക് അമേരിക്കയുടെ നിര്ദേശം. ഇന്ത്യയില് ആരോഗ്യ സംവിധാനങ്ങള് പരിമിതമാണെന്ന് യുഎസ് ഡിപ്പാര്ട്ട്മെന്റ് ഓഫ് സ്റ്റേറ്റ് ബ്യൂറോ ഓഫ് കോണ്സുലര് അഫയേഴ്സ് ട്വീറ്റില് പറഞ്ഞു.
'ഇന്ത്യയില് കോവിഡ് കാരണം വൈദ്യസഹായം ലഭിക്കുന്നത് പരിമിതമാണ്. ഇന്ത്യ വിടാന് ആഗ്രഹിക്കുന്ന യുഎസ് പൗരര് ഇപ്പോള് ലഭിക്കുന്ന അവസരങ്ങള് പ്രപയോജനപ്പടുത്തണം. യുഎസിലേക്ക് നേരിട്ടും പാരിസ് വഴിയുമുള്ള വിമാനങ്ങള് നിലവില് ലഭ്യമാണ്'-ട്വീറ്റില് പറയുന്നു.
അതേസമയം, കോവിഡ് വ്യാപം അതിശക്തമായി തുടരുന്ന ഇന്ത്യയില് കഴിഞ്ഞ 24 മണിക്കൂറില് 3,79,257 പേര്ക്ക് കോവിഡ് സ്ഥിരീകരിച്ചു.
3645 പേര് മരിച്ചു. 2,69,507 പേര്ക്കാണ് കഴിഞ്ഞ 24 മണിക്കൂറിനിടെ രോഗമുക്തി.
ഇതോടെ രാജ്യത്തെ ആകെ രോഗികളുടെ എണ്ണം 1,83,76,524 ആയി. 1,50,86,878 പേര്ക്കാണ് ഇതുവരെ രോഗ മുക്തി. ആകെ മരണം 2,04,832.
നിലവില് 30,84,814 പേരാണ് ചികിത്സയിലുള്ളത്. ഇതുവരെയായി 15,00,20,648 പേര് വാക്സിന് സ്വീകരിച്ചു. കേന്ദ്ര ആരോഗ്യ മന്ത്രാലയമാണ് കണക്കുകള് പുറത്തുവിട്ടത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates