മുംബൈ: മഹാരാഷ്ട്ര ടൂറിസം മന്ത്രിയും മുഖ്യമന്ത്രിയുടെ മകനുമായ ആദിത്യ താക്കറെയ്ക്ക് കോവിഡ് 19 സ്ഥിരീകരിച്ചു. ട്വിറ്ററിലൂടെയാണ് അദ്ദേഹം ഇക്കാര്യം അറിയിച്ചിരിക്കുന്നത്. താനുമമായി സമ്പര്ക്കത്തില് വന്നവരെല്ലാം പരിശോധയ്ക്ക് വിധേയമാകണമെന്നും അദ്ദേഹം അഭ്യര്ത്ഥിച്ചു.
'കോവിഡിന്റെ നേരിയ ലക്ഷണങ്ങള് കണ്ടതിനെ തുടര്ന്ന് നടത്തിയ പരിശോധനയില് രോഗം സ്ഥിരീകരിച്ചു. എന്നോട് അടുത്തിടപഴകിയ എല്ലാവരും കോവിഡ് ടെസ്റ്റ് നടത്തണം. ജാഗ്രത വിട്ടുകളയാതെ എല്ലാവരും കോവിഡ് പ്രോട്ടോക്കോളുകള് പാലിക്കണം,' അദ്ദേഹം ആവശ്യപ്പെട്ടു.
അതേസമയം, കോവിഡ് വ്യാപനം വീണ്ടും ശക്തിപ്രാപിക്കുന്ന പശ്ചാത്തലത്തില് മുംബൈ കോര്പ്പറേഷന് നടപടികള് കടുപ്പിച്ചു.
നഗരത്തിലെ തിരക്ക് കൂടിയ ഇടങ്ങളില് നിന്ന് പ്രത്യേക മാനദണ്ഡങ്ങളില്ലാതെ ആളുകളെ തെരഞ്ഞെടുത്ത് കോവിഡ് ടെസ്റ്റ് നടത്താനാണ് മുംബൈ കോര്പ്പറേഷന് അധികൃതര് തീരുമാനിച്ചിരിക്കുന്നത്.
മാളുകള്, റെയില്വേ സ്റ്റേഷനുകള്, ബസ് ഡിപ്പോകള്, ഗല്ലികള്, മാര്ക്കറ്റുകള്, ടൂറിസ്റ്റ് സ്ഥലങ്ങള്, സര്ക്കാര് ഓഫീസുകള് തുടങ്ങി ആളുകള് കൂടാന് സാധ്യതയുള്ള സ്ഥലങ്ങളില് പൗരന്മാരുടെ സമ്മതമില്ലാതെ ആന്റിജന് പരിശോധന നടത്തും.
ആരെങ്കിലും ടെസ്റ്റിന് വിസമ്മതിക്കുകയാണെങ്കില്, അവര്ക്കെതിരെ പകര്ച്ചവ്യാധി നിയമപ്രകാരം കേസെടുക്കുമെന്നും ബിഎംസി മുന്നറിയിപ്പ് നല്കി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates