ബം​ഗളൂരു: കര്‍ണാടക, തമിഴ്‌നാട് സംസ്ഥാനങ്ങളില്‍ കോവിഡ് വ്യാപനം രൂക്ഷമായി തുടരുന്നു. അതേസമയം മഹാരാഷ്ട്രയില്‍ ആശ്വാസം. പ്രതിദിന രോഗികളുടെ എണ്ണം ഇന്ന് മുപ്പതിനായിരത്തില്‍ താഴെയെത്തി. 

കര്‍ണാടകയില്‍ ഇന്ന് 38,603 പേര്‍ക്കാണ് പുതിയതായി രോഗം സ്ഥിരീകരിച്ചത്. 34,635 പേര്‍ക്കാണ് ഇന്ന് രോഗ മുക്തി. 476 പേര്‍ മരിച്ചു. സംസ്ഥാനത്തെ ആകെ രോഗികളുടെ എണ്ണം 22,42,065. ആകെ രോഗ മുക്തി 16,16,092. ആകെ മരണം 22,313. നിലവില്‍ 6,03,639 പേരാണ് സംസ്ഥാനത്ത് ചികിത്സയിലുള്ളത്. 

തമിഴ്‌നാട്ടില്‍ ഇന്ന് 33,075 പേര്‍ക്കാണ് രോഗം. 20,486 പേര്‍ക്കാണ് രോഗ മുക്തി. 335 പേര്‍ മരിച്ചു. ഇതോടെ സംസ്ഥാനത്തെ ആകെ രോഗികളുടെ എണ്ണം 16,31,291. ആകെ രോഗ മുക്തി 13,81,690. ആകെ മരണം 18,005. നിലവില്‍ 2,31,596 ആക്ടീവ് കേസുകള്‍. 

മഹാരാഷ്ട്രയില്‍ ഇന്ന് 26,616 പേര്‍ക്കാണ് പുതിയതായി രോഗം ബാധിച്ചത്. രോഗികളേക്കാള്‍ രോഗ മുക്തരുടെ എണ്ണത്തില്‍ നല്ല വര്‍ധനവുണ്ട്. ഇന്ന് 48,211 പേര്‍ക്കാണ് രോഗ മുക്തി. 516 മരണം. ആകെ കേസുകള്‍ 54,05,068. ആകെ മരണം 82,486. ഇതുവരെ രോഗ മുക്തി 48,74,582. നിലവില്‍ 4,45,495 പേരാണ് സംസ്ഥാനത്ത് ചികിത്സയിലുള്ളത്.