മുംബൈ: മഹാരാഷ്ട്രയില്‍ കോവിഡ് വ്യാപനം രൂക്ഷം. വൈറസ് ബാധ സംസ്ഥാനത്ത് റിപ്പോര്‍ട്ട് ചെയ്തതിന് ശേഷമുള്ള ഏറ്റവും ഉയര്‍ന്ന പ്രതിദിനകണക്ക് ഞായറാഴ്ച രേഖപ്പെടുത്തി. 24 മണിക്കൂറിനുള്ളില്‍ സംസ്ഥാനത്ത്
30,535 പേര്‍ക്ക് കോവിഡ് സ്ഥിരീകരിച്ചത്.

ഇതോടെ സംസ്ഥാനത്തെ കോവിഡ് രോഗികളുടെ ആകെ എണ്ണം 25 ലക്ഷത്തിലേക്ക് അടുത്തു.  ഇന്ന് 99 പേരാണ് വൈറസ് ബാധയെ തുടര്‍ന്ന് മരിച്ചത്. 11,314 പേരാണ് 24 മണിക്കൂറിനുള്ളില്‍ രോഗമുക്തി നേടിയത്. ഇതുവരെ 22,14,867 പേര്‍ രോഗമുക്തരായെന്ന് ആരോഗ്യമന്ത്രാലയം അറിയിച്ചു. 53,399 പേരാണ് ഇതുവരെ മരണപ്പെട്ടത്. 

നാഗ്പൂര്‍, പൂനെ, മുംബൈ തുടങ്ങിയ മൂന്ന് നഗരങ്ങളിലാണ് കോവിഡ് വ്യാപനം അതിസങ്കീര്‍ണമായി തുടരുന്നത്. ഇന്നലെ 27,126 പേര്‍ക്കാണ് വൈറസ് ബാധ സ്ഥിരീകരിച്ചത്. അത് വര്‍ഷത്തെ സംസ്ഥാനത്തെ ഏറ്റവും വലിയ പ്രതിദിനവര്‍ധനയായിരുന്നു. നാല് ദിവസത്തിനുള്ളില്‍ സംസ്ഥാനത്ത് ഒരുലക്ഷത്തിലധികം പേര്‍ക്കാണ് കോവിഡ് സ്ഥിരീകരിച്ചത്.