മുംബൈ: മഹാരാഷ്ട്രയില്‍ കോവിഡ് വ്യാപനം അതി രൂക്ഷമായി തന്നെ തുടരുന്നു. പ്രതിദിന കോവിഡ് രോഗികളുടെ വീണ്ടും അറുപതിനായിരം കടന്നു. രോഗികളേക്കാള്‍ രോഗ മുക്തരുടെ എണ്ണം ഇന്നും ഉയര്‍ന്ന് നില്‍ക്കുന്നത് മാത്രം ആശ്വാസം. 

24 മണിക്കൂറിനിടെ സംസ്ഥാനത്ത് 62,194 പേര്‍ക്കാണ് രോഗം കണ്ടെത്തിയത്. 63,842 പേര്‍ക്കാണ് ഇന്ന് രോഗ മുക്തി. 853 പേര്‍ മരിച്ചു. 

ഇതോടെ സംസ്ഥാനത്തെ ആകെ രോഗികളുടെ എണ്ണം 49,42,736. ആകെ രോഗ മുക്തി 42,27,940. ഇതുവരെയായി 73,515 പേര്‍ മരണത്തിന് കീഴടങ്ങി. നിലവില്‍ 6,39,075 പേരാണ് സംസ്ഥാനത്ത് ചികിത്സയിലുള്ളത്. 

ഉത്തര്‍പ്രദേശിലും കോവിഡ് രൂക്ഷമായി തന്നെ തുടരുന്നു. ഇന്ന് 26,780 പേര്‍ക്കാണ് പുതിയതായി രോഗം സ്ഥിരീകരിച്ചത്. 353 പേര്‍ മരിച്ചു. ആകെ കേസുകള്‍ 14,25,916. ആകെ മരണം 14,501. ആക്ടീവ് കേസുകള്‍ 2,59,844.