മുംബൈ: മഴയ്ക്കിടെ മേല്‍ക്കൂര ചോര്‍ന്നൊലിച്ചതിനെ തുടര്‍ന്ന് കുട പിടിച്ച് ബസ് ഓടിച്ച് ഡ്രൈവര്‍. മഹാരാഷ്ട്ര സ്‌റ്റേറ്റ് റോഡ് ട്രാന്‍സ്‌പോര്‍ട്ട് കോര്‍പറേഷന്റെ (എംഎസ്ആര്‍ടിസി) ബസ് ഡ്രൈവറാണ് ഒരു കൈയില്‍ കുടയും പിടിച്ച് ബസ് ഓടിച്ചത്. ഗഡ്ചിറോളി ജില്ലയില്‍ നടന്ന സംഭവത്തിന്റെ വിഡിയോ സമൂഹമാധ്യമങ്ങളില്‍ വൈറലായി. 

വിഡിയോ സംബന്ധിച്ച് അന്വേഷണം നടക്കുകയാണെന്ന് അഹേരി ബസ് ഡിപ്പോ മാനേജര്‍ ചന്ദ്രഭൂഷണ്‍ ഘഗര്‍ഗുണ്ടെ പറഞ്ഞു. ബസിന്റെ നമ്പര്‍ പ്ലേറ്റും വിഡിയോയില്‍ കാണുന്ന ഡ്രൈവറുടെ മുഖവും വ്യക്തമായി തിരിച്ചറിയാനാകാത്തതിനാല്‍, ഇദ്ദേഹത്തെ തിരിച്ചറിയാന്‍ പ്രയാസമാണെന്നും ചന്ദ്രഭൂഷണ്‍ കൂട്ടിച്ചേര്‍ത്തു.
 

ഈ വാര്‍ത്ത കൂടി വായിക്കൂ  'പെട്ടെന്ന് നോക്കൂ...'; എസ്പിജി ഉദ്യോഗസ്ഥന്‍ കുഴഞ്ഞുവീണു, പ്രസംഗം നിര്‍ത്തി പ്രധാനമന്ത്രി, സഹായിക്കാന്‍ ഡോക്ടര്‍മാരോട് നിര്‍ദേശം (വീഡിയോ)

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ