കൊൽക്കത്ത: ബം​ഗാളിൽ കോവിഡ് വാക്സിനേഷൻ സർട്ടിഫിക്കറ്റിൽ മുഖ്യമന്ത്രി മമതാ ബാനർജിയുടെ ചിത്രം വരും. പ്രധാനമന്ത്രി നരേദ്ര മോദിയുടെ ചിത്രത്തിന് പകരമാണ് മമതയുടെ ചിത്രം വയ്ക്കുന്നത്. 

18-44 വയസ് പ്രായക്കാരുടെ വാക്സിനേഷൻ സർട്ടിഫിക്കറ്റിലായിരിക്കും മമതയുടെ ചിത്രം വരുന്നത്. സംസ്ഥാന സർക്കാർ പണം കൊടുത്ത് വാങ്ങുന്ന വാക്സിൻ ആണ് ഇതെന്ന് മന്ത്രി ഫിർഹാദ് ഹക്കീം പറഞ്ഞു. 

ജർഖണ്ഡ്, പഞ്ചാബ്, ഛത്തീസ്​ഗഡ് സർക്കാരുകൾ വാങ്ങിയ 18-44 വയസ് പ്രായക്കാരുടെ വാക്സിനേഷൻ സർട്ടിഫിക്കറ്റിൽ മുഖ്യമന്ത്രിമാരുടെ ചിത്രമുണ്ടെന്നും മന്ത്രി ഫിർഹാദ് ഹക്കീം ചൂണ്ടിക്കാണിച്ചു. 45 വയസിന് മുകളിലുള്ളവരുടെ വാക്സിൻ സർട്ടിഫിക്കറ്റിൽ മോദിയുടെ പടമുണ്ടാവും.