ഭോപ്പാല്‍:  മധ്യപ്രദേശില്‍ തെരുവുനായയെ യുവാവ് അടിച്ചുകൊന്നു. യുവാവിന്റെ വീട്ടിലെ പെണ്‍പട്ടിയെ കാണാന്‍ സ്ഥിരമായി വരുന്നതാണ് പ്രകോപനത്തിന് കാരണമെന്നാണ് റിപ്പോര്‍ട്ടുകള്‍. പട്ടിയെ അടിച്ചു കൊല്ലുന്ന ദാരുണ ദൃശ്യങ്ങള്‍ വ്യാപകമായാണ് പ്രചരിക്കുന്നത്.

ഗ്വാളിയോറിലാണ് സംഭവം. വടി ഉപയോഗിച്ച് തെരുവുനായയെ യുവാവ് അടിച്ചു കൊല്ലുന്നതാണ് ദൃശ്യങ്ങളിലുള്ളത്. മുഖത്തേയ്ക്ക് കല്ല് വലിച്ചെറിയുന്നതും കാണാം.ഇതിന്റെ സിസിടിവി ദൃശ്യങ്ങളാണ് പുറത്തുവന്നത്. യുവാവിന്റെ വീട്ടിലെ പെണ്‍പട്ടിയെ കാണാന്‍ സ്ഥിരമായി വരുന്നതാണ് പ്രകോപനത്തിന് കാരണമെന്നാണ് റിപ്പോര്‍ട്ടുകള്‍. 

സംഭവത്തില്‍ യുവാവിനെതിരെ പൊലീസ് കേസെടുത്ത് അന്വേഷണം തുടങ്ങി. അടിയേറ്റ് ചലനമില്ലാതെ കിടന്നിട്ടും നായയെ വീണ്ടും വടി കൊണ്ട് യുവാവ് തല്ലുന്നത് ദൃശ്യങ്ങളില്‍ വ്യക്തമാണ്. സംഭവത്തില്‍ സമൂഹമാധ്യമങ്ങളില്‍ അടക്കം യുവാവിനെതിരെ പ്രതിഷേധം ഉയരുകയാണ്.