ആഗ്ര: മറ്റൊരു വിവാഹം കഴിക്കാനൊരുങ്ങിയ കാമുകന്റെ മുഖത്ത് യുവതി ആസിഡ് ഒഴിച്ചു. ഗുരുതരമായ പരിക്കേറ്റ യുവാവ് ആശുപത്രിയില്‍ മരിച്ചു. 

ദേവേന്ദ്ര രാജ്പുത് എന്ന ഇരുപത്തിയെട്ടുകാരനാണ് മരിച്ചത്. ഉത്തര്‍പ്രദേശിലെ ഖണ്ടാരിയില്‍ വ്യാഴാഴ്ച വൈകിട്ടാണ് സംഭവം. 

സ്വകാര്യ ലാബില്‍ ജോലിക്കാരായിരുന്ന ഇരുവരും പ്രണയത്തില്‍ ആയിരുന്നെന്ന് പൊലീസ് പറഞ്ഞു. കുറെക്കാലമായി ഒരുമിച്ചായിരുന്നു താമസം. എന്നാല്‍ യുവാവിനു വീട്ടുകള്‍ വേറൊരു വിവാഹം തീരുമാനിച്ചു. ഇതില്‍ പ്രകോപിതയായാണ് ആക്രമണം.

വ്യാഴാഴ്ച വീട്ടിലെ ഫാന്‍ ശരിയാക്കാനെന്നു പറഞ്ഞ് യുവാവിനെ കാമുകി വിളിച്ചുവരുത്തുകയായിരുന്നു. ഫാന്‍ ശരിയാക്കുന്നതിനിടെ ആസിഡ് ദേഹത്തേക്ക് ഒഴിച്ചു. യുവതിക്കും പൊള്ളലേറ്റിട്ടുണ്ട്. 

യുവതി ആശുപത്രിയില്‍ ചികിത്സയിലാണ്. പൊലീസ് കേസ് രജിസ്റ്റര്‍ ചെയ്ത് അന്വേഷണം തുടങ്ങി.