റാഞ്ചി: വിവാഹം കഴിഞ്ഞ് പതിനേഴാം ദിവസം വധു കാമുകനൊപ്പം പോയി. തുടര്‍ന്ന് ഭര്‍ത്താവും വീട്ടുകാരും നടത്തിയ തെരച്ചിലിലില്‍ യുവതിയെ കാമുകന്റെ വീട്ടില്‍ കണ്ടെത്തി. ഝാര്‍ഖണ്ഡിലെ റാഞ്ചിയിലാണ് സംഭവം. യുവതിയെ ചൊല്ലി തര്‍ക്കമായതോടെ പൊലീസ് ഇടപെട്ട് പ്രശ്‌നത്തിന് പരിഹാരം കണ്ടു. യുവതിയെ കാമുകനൊപ്പം പൊലീസ് പറഞ്ഞയച്ചു.

റാഞ്ചിയില സുഖ്‌ദേവ് നഗറിലുള്ള യുവതി ആ പ്രദേശത്തെ തന്നെ ഒരു യുവാവുമായി പ്രണയത്തിലായിരുന്നു. എന്നാല്‍ ഈ ബന്ധം വീട്ടുകാര്‍ അംഗീകരിച്ചിരുന്നില്ല. തുടര്‍ന്ന് യുവതിയെ മറ്റൊരാളുമായി വിവാഹം കഴിപ്പിച്ചു. വിവാഹത്തിന് ശേഷവും യുവതി കാമുകനുമായി ബന്ധം തുടര്‍ന്നു.

താനുമായുള്ള പ്രണയബന്ധം യുവതിയുടെ വീട്ടുകാര്‍ക്ക്് അറിയാമായിരുന്നു. എന്നിട്ടും മറ്റൊരാള്‍ക്ക് വീട്ടുകാര്‍ യുവതിയെ വിവാഹം കഴിച്ചുനല്‍കുകയായിരുന്നെന്ന് യുവാവ് പറയുന്നു. കാമുകനൊപ്പം പോയതിന് പിന്നാലെ രണ്ട് കുടുംബവും യുവതി കാമുകനൊപ്പം ജീവിക്കട്ടെയെന്ന് തീരുമാനിക്കുകയായിരുന്നു.