സഹജീവികളോടുള്ള കാരുണ്യത്തിന്റെ നിരവധി വീഡിയോകൾ പുറത്തുവന്നിട്ടുണ്ട്. ഇപ്പോൾ ദാഹിച്ചു വലഞ്ഞ അണ്ണാൻ കുഞ്ഞിന് വെള്ളം നൽകുന്ന യുവാവിന്റെ ദൃശ്യങ്ങളാണ് വൈറലാകുന്നത്.

ഐഎഫ്എസ് ഉദ്യോഗസ്ഥനനായ സുശാന്ത നന്ദയാണ് അണ്ണാൻ കുഞ്ഞിന് കുപ്പിയിൽ നിന്ന് വെള്ളം പകർന്നു കൊടുക്കുന്ന യുവാവിന്റെ ദൃശ്യം ട്വിറ്ററിൽ പങ്കുവച്ചത്. കടുത്ത ചൂടിന്റെ പിടിയിലാണ് പല പ്രദേശങ്ങളും. ഇതാകാം അണ്ണാൻ കുഞ്ഞിനെ വെള്ളം തേടിയെത്താൻ പ്രേരിപ്പിച്ചത്. 

അടുത്തെത്തിയ അണ്ണാന് യുവാവ് കുപ്പിയിൽ നിന്ന് വെള്ളം കൊടുക്കുന്നതും അതിനെ തലോടുന്നതും കാണാം. പിന്നീട് യുവാവിന്റെ കൈകളിലേക്ക് കയറിയ അണ്ണാന് വീണ്ടും കുപ്പിയിൽ നിന്ന് വെള്ളം പകർന്നു നൽകി. നിരവധിയാളുകൾ യുവാവിന്റെ കരുതലിനെ അഭിനന്ദിച്ച് രംഗത്തെത്തിയിട്ടുണ്ട്.