ജയ്പൂര്‍: യൂട്യൂബില്‍ താരമാക്കാമെന്ന് വാഗ്ദാനം നല്‍കിയ പ്രായപൂര്‍ത്തിയാകാത്ത പെണ്‍കുട്ടിയെ ലൈംഗികമായി പീഡിപ്പിച്ചയാള്‍ അറസ്റ്റില്‍. രാജസ്ഥാനിലെ പാലിയിലാണ് സംഭവം. ജോധ്പൂരിലെ ബാബ്രാഹാള്‍ സ്വദേശിയായ നിസാമുദ്ദീന്‍ എന്ന രാജ് ഖാന്‍ ആണ് അറസ്റ്റിലായത്.
16 വയസ്സുള്ള കുട്ടിയെയാണ് ഇയാള്‍ പീഡിപ്പിച്ചത്. മൂന്നു നാലു വര്‍ഷമായി യൂട്യൂബില്‍ കോമഡി വീഡിയോകള്‍ ചെയ്തുവരികയാണ് പെണ്‍കുട്ടി. ഇതിനിടെ ഒരുമാസം മുമ്പ് കുട്ടി രാജ് ഖാനുമായി പരിചയപ്പെട്ടു.
തുടര്‍ന്ന് യൂട്യൂബില്‍ വലിയ താരമാക്കാമെന്നും ഇതുവഴി കൂടുതല്‍ പണം സമ്പാദിക്കാനാകുമെന്നും ഇയാള്‍ കുട്ടിയെ വിശ്വസിപ്പിച്ചു. ഇതിന്റെ ഭാഗമായി ഒരു വീഡിയോ തയ്യാറാക്കാനായി ജനുവരി എട്ടിന് ഫലാറ്റിലേക്ക് വരാന്‍ ഇയാള്‍ കുട്ടിയോട് ആവശ്യപ്പെട്ടു.
ഫ്‌ലാറ്റിലെത്തിയ കുട്ടിയെ ഇയാള്‍ ബലാത്സംഗം ചെയ്തു. സംഭവം വീട്ടുകാരോട് പറയുമെന്ന് പറഞ്ഞപ്പോള്‍ ആക്രമിക്കുകയും ഭീഷണിപ്പെടുത്തുകയും ചെയ്തു. ഭയന്നുപോയ പെണ്‍കുട്ടി വിവരം പുറത്തുപറയാതെ കഴിഞ്ഞു.
ഇതിനിടെ നാട്ടിലേക്ക് പോകാന്‍ അവസരം കിട്ടിയ പെണ്‍കുട്ടി നടന്ന സംഭവം വീട്ടുകാരോട് തുറന്നു പറഞ്ഞു. വീട്ടുകാര്‍ ഉടന്‍ തന്നെ പൊലീസില്‍ പരാതി നല്‍കി. ഇതിന്റെ അടിസ്ഥാനത്തിൽ ജനുവരി 28 ന് നിസാമുദ്ദീനെ ജോധ്പൂരില്‍ നിന്നും പൊലീസ് അറസ്റ്റ് ചെയ്യുകയായിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates