മുംബൈ: മദ്യപിച്ച് പണം നല്‍കുന്നതിനെ ചൊല്ലി തര്‍ക്കമുണ്ടായതിനെ തുടര്‍ന്ന് 29കാരനായ സുഹൃത്തിനെ കൊലപ്പെടുത്തിയ സംഭവത്തില്‍ 42കാരന്‍ അറസ്റ്റില്‍. ആകാശ് ഭലേറാവു എന്നയാളാണ് കൊല്ലപ്പെട്ടത്.

ഒന്നിലധികം മുറിവുകളോടെ കഴിഞ്ഞ ദിവസം അജ്ഞാത മൃതദേഹം പൊലീസ് കണ്ടെത്തിയിരുന്നു. തുടര്‍ന്ന് സമീപ പ്രദേശങ്ങളിലെ 136 സിസി ടിവി ദൃശ്യങ്ങള്‍ പൊലീസ് പരിശോധിച്ചിരുന്നു. 57 പ്രതികളെ കസ്റ്റഡിയില്‍ എടുക്കുകയും ചെയ്തിരുന്നു. 

ചോദ്യം ചെയ്യലില്‍ കൊല്ലപ്പെട്ടയാളെ നന്നായി അറിയാമെന്നും ഒരുമിച്ച് മദ്യപിക്കുകയായിരുന്നെന്നും പ്രതി വെളിപ്പെടുത്തി. സംഭവദിവസം മദ്യത്തിന്റെ ബില്ല് നല്‍കുന്നതിനെ ചൊല്ലി ഇരുവരും തമ്മില്‍ തര്‍ക്കമായി. തുടര്‍ന്ന് കൊലപ്പെടുത്തുകയായിരുന്നു പ്രതി പൊലീസിനോട് സമ്മതിച്ചു. ഇന്ത്യന്‍ ശിക്ഷാനിയമത്തിലെ വിവിധ വകുപ്പുകള്‍ പ്രകാരമാണ് പൊലീസ് കേസ് എടുത്തത്.

ഈ വാർത്ത കൂടി വായിക്കൂ‌ 

പതിനാലുകാരിയെ കൂട്ടബലാത്സംഗം ചെയ്തു; കഴുത്ത് ഞെരിച്ച് കൊലപ്പെടുത്തി; 2 പേര്‍ അറസ്റ്റില്‍

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ