ഇംഫാല്‍: മണിപ്പൂരില്‍ കോണ്‍ഗ്രസ് അധ്യക്ഷന്‍ ഗോവിന്ദദാസ് കോന്ദോജം രാജിവച്ചു. എട്ട് പാര്‍ട്ടി എംഎല്‍എ മാരും രാജിവച്ചു. ഇവരെല്ലാം ബിജെപിയില്‍ ചേരുമെന്നാണ് റിപ്പോര്‍ട്ടുകള്‍. അടുത്തവര്‍ഷം നിയമസഭാ തെരഞ്ഞെടുപ്പ് നടക്കാനിരിക്കെയാണ് പാര്‍ട്ടി നേതൃത്വത്തെ ആശങ്കയിലാഴ്ത്തി നേതാക്കളുടെ രാജി.
ആറ് തവണ തുടര്‍ച്ചയായി ഗോവിന്ദദാസ് കോന്ദോജം ബിഷ്ണുപൂര്‍ മണ്ഡലത്തില്‍ നിന്ന് ജയിച്ച് എംഎല്‍എയായി തെരഞ്ഞെടുക്കപ്പെട്ടിരുന്നു. മണിപ്പൂര്‍ മന്ത്രിയുമായിരുന്ന ഇദ്ദേഹത്തെ കഴിഞ്ഞ ഡിസംബറിലാണ് സോണിയാ ഗാന്ധി പിസിസി അധ്യക്ഷനായി തെരഞ്ഞെടുത്തത്.
മണിപ്പൂരില്‍ അറുപതംഗ നിയമസഭയില്‍ 36 അംഗങ്ങളുടെ പിന്‍ബലത്തോടെ എന്‍ഡിഎയാണ് ഭരണത്തില്‍. 21 എം.എല്‍.എമാരുണ്ടായിരുന്ന ബിജെപി. പ്രാദേശിക പാര്‍ട്ടികളുടെ പിന്‍ബലത്തോടെ ഭരണം പിടിക്കുകയായിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates