റായ്പുര്: ഛത്തീസ്ഗഡിലെ രാജ്നന്ദഗാവ് ജില്ലയില് മാവോയിസ്റ്റ് ആക്രമണത്തില് രണ്ട് പൊലീസുകാര് കൊല്ലപ്പെട്ടു. ബോര്ട്ടലാവ് പൊലീസ് സ്റ്റേഷന് പരിധിയില് തിങ്കാളാഴ്ച രാവിലെ ഏഴിനും എട്ടിനും ഇടയിലാണ് സംഭവം.
ജില്ലാ സേനാ ഹെഡ് കോണ്സ്റ്റബിള് രാജേഷ് സിങ് രാജ്പുത്തും ഛത്തീസ്ഗഡ് ആര്മ്ഡ് ഫോഴ്സ് കോണ്സ്റ്റബിള് അനില് കുമാര് സാമ്രാട്ടുമാണ് കൊല്ലപ്പെട്ടത്. പ്രാഥമിക വിവരം അനുസരിച്ച് ഇരുവരും ബോര്ട്ടലാവ് പൊലീസ് ക്യാമ്പില് നിന്ന് മഹാരാഷ്ട്ര അതിര്ത്തിയിലേക്ക് പോവുന്നതിനിടെയാണ് ആക്രമണം നടന്നത്. മോട്ടോര് സൈക്കിളില് സഞ്ചരിക്കുകയായിരുന്ന ഇവര് ആയുങ്ങളൊന്നും കൈവശം വെച്ചിരുന്നില്ലെന്നും പൊലീസ് വ്യക്തമാക്കി.
ആയുധധാരികളായ മാവോയിസ്റ്റുകളുടെ സംഘം അവര്ക്കു നേരെ വെടിയുതിര്ത്തുകയായിരുന്നു. ഇവരുടെ മോട്ടോര്സൈക്കിള് മാവോയിസ്റ്റുകള് അഗ്നിക്കിരയാക്കി. ഒരാള് സംഭവസ്ഥലത്തുവെച്ചും മറ്റേ ഉദ്യോഗസ്ഥന് പരിക്കേറ്റ് ആശുപത്രിയിലേക്ക് കൊണ്ടുപോകുന്നതിനിടയിലുമാണ് മരിച്ചത്. സംഭവത്തില് അന്വേഷണം പുരോഗമിക്കുകയാണ്.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates