ലക്‌നൗ: ഉത്തര്‍പ്രദേശില്‍ 15വയസുള്ള സഹോദരിയെ 17കാരന്‍ കോടാലി കൊണ്ട് വെട്ടിക്കൊന്നു. സഹോദരി ഒരു ആണ്‍കുട്ടിയുമായി അടുപ്പത്തിലായിരുന്നു. ഇത് സഹോദരന് ഇഷ്ടമായിരുന്നില്ല. ഇതില്‍ നിന്ന് പിന്മാറാത്തതാണ് പ്രകോപനത്തിന് കാരണമെന്ന് പൊലീസ് പറയുന്നു.

ഫറൂക്കാബാദിലാണ് സംഭവം. ആണ്‍കുട്ടിയുമായുള്ള അടുപ്പത്തെ ചൊല്ലി കഴിഞ്ഞ ദിവസം ഇരുവരും തമ്മില്‍ വഴക്കിട്ടിരുന്നു. വാക്കേറ്റം മൂത്തപ്പോള്‍ കുപിതനായ 17കാരന്‍ സഹോദരിയെ കോടാലി കൊണ്ട് വെട്ടിക്കൊല്ലുകയായിരുന്നുവെന്ന് പൊലീസ് പറയുന്നു.

ആണ്‍കുട്ടിയുമായുള്ള സഹോദരിയുടെ അടുപ്പം 17കാരന് ഇഷ്ടമായിരുന്നില്ലെന്ന് പൊലീസ് പറയുന്നു. തുടര്‍ച്ചയായി ഇതില്‍ നിന്ന് പിന്തിരിയാന്‍ സഹോദരന്‍ ആവശ്യപ്പെട്ടിരുന്നു. എന്നാല്‍ സഹോദരി അടുപ്പം തുടര്‍ന്നു. ഇതാണ് പ്രകോപനത്തിന് കാരണമെന്ന് പൊലീസ് പറയുന്നു. സര്‍ട്ടിഫിക്കറ്റുകള്‍ പരിശോധിച്ചപ്പോഴാണ് സഹോദരന്‍ പ്രായപൂര്‍ത്തിയാവാത്ത കുട്ടിയാണെന്ന് തിരിച്ചറിഞ്ഞത്.