ഹൈദരാബാദ്: ലോകസുന്ദരിപ്പട്ടത്തിനുള്ള മത്സരങ്ങള്ക്ക് ഇന്ന് ഹൈദരാബാദിലെ ഗച്ചിബൗളി സ്റ്റേഡിയത്തില് തുടക്കമാകും. ഇന്ത്യ-പാക് സംഘര്ഷം കണക്കിലെടുത്ത് കനത്ത സുരക്ഷയിലാണ് 72ാമത് മിസ് വേള്ഡ് മത്സരം നടക്കുന്നത്.
തുടര്ച്ചയായ രണ്ടാം വര്ഷമാണ് ഇന്ത്യ മിസ് വേള്ഡ് മത്സരത്തിന് ആതിഥേയത്വം വഹിക്കുന്നത്. 2024ല് മുംബൈയിലായിരുന്നു മത്സരം. വിവിധ രാജ്യങ്ങളില് നിന്നായി 115 മത്സരാര്ഥികള് ഹൈദരാബാദില് എത്തിയിട്ടുണ്ട്. രാജസ്ഥാനില് നിന്നുള്ള നന്ദിനി ഗുപ്തയാണ് ഇന്ത്യയെ പ്രതിനിധീകരിക്കുന്നത്. വൈകുന്നേരം ആറ് മണിക്കാണ് മത്സരങ്ങള് തുടങ്ങുക. മെയ് 31ന് ഹൈടെക്സ് എക്സിബിഷന് സെന്ററിലാണ് ഗ്രാന്റ് ഫിനാലെ.
മത്സര വേദിയിലും പരിസരപ്രദേശങ്ങളിലും കര്ശന സുരക്ഷാ സംവിധാനമാണ് സംസ്ഥാന സര്ക്കാര് ഒരുക്കിയിരിക്കുന്നത്. മത്സരാര്ഥികളുടെ പ്രകടനത്തിന് പുറമേ ചടങ്ങില് ദേശീയ അന്തര്ദേശീയ സാംസ്കാരിക പരിപാടികളും ഉള്പ്പെടുത്തും. സംസ്ഥാനത്തിന്റെ സംസ്കാരത്തേയും ടൂറിസത്തേയും ആഗോളതലത്തില് പ്രോത്സാഹിപ്പിക്കുന്നതിനുള്ള ഒരു വേദിയായാണ് തെലങ്കാന സര്ക്കാര് മത്സരത്തെ കാണുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates