ന്യൂഡല്ഹി: നാസയുടെ ബഹിരാകാശ യാത്രിക സുനിതാ വില്യംസിനെ ഇന്ത്യയിലേക്ക് ക്ഷണിച്ച് പ്രധാനമന്ത്രി നരേന്ദ്ര മോദി. സുനിതയുടെ നേട്ടം രാജ്യത്തിന് അഭിമാന നിമിഷമാണെന്നും ആശംസകള് അറിയിച്ച് മോദി പറഞ്ഞു. മാര്ച്ച് ഒന്നിന് അയച്ച കത്ത് കേന്ദ്രമന്ത്രി ഡോ. ജിതേന്ദ്ര സിങ് ആണ് എക്സില് പങ്കുവെച്ചത്.
'ആയിരക്കണക്കിന് മൈലുകള് അകലെയാണെങ്കിലും, നിങ്ങള് ഞങ്ങളുടെ ഹൃദയങ്ങളോട് വളരെ അടുത്തു നില്ക്കുന്നു. നിങ്ങളുടെ നല്ല ആരോഗ്യത്തിനും ദൗത്യത്തിന്റെ വിജയത്തിനും വേണ്ടി ഇന്ത്യയിലെ ജനങ്ങള് പ്രാര്ത്ഥിക്കുന്നു, തിരിച്ചെത്തിയ ശേഷം നിങ്ങളെ ഇന്ത്യയില് കാണാന് ആഗ്രഹിക്കുന്നു. ഇന്ത്യയുടെ പുകള്പെറ്റ പുത്രിമാരില് ഒരാളെ ആതിഥേയത്വം വഹിക്കാന് കഴിയുന്നത് ഏറെ സന്തോഷകരമായിരിക്കും മോദി കത്തില് കുറച്ചു.
2016ല് അമേരിക്കന് സന്ദര്ശന വേളയില് കണ്ടുമുട്ടിയത് ഓര്ക്കുന്നു. സുനിതയുടെ അമ്മ ബോണി പാണ്ഡ്യ അവരുടെ തിരിച്ചുവരവിനായി ആകാംക്ഷയോടെ കാത്തിരിക്കുന്നു, പരേതനായ ദീപക് ഭായിയുടെ അനുഗ്രവും നിങ്ങളോടൊപ്പമുണ്ടെന്ന് എനിക്കുറപ്പുണ്ടെന്നും മോദി കത്തില് പറഞ്ഞു. അമേരിക്കന് സന്ദര്ശന വേളയില് ബൈഡനേയും പ്രസിഡന്റ് ഡോണള്ഡ് ട്രംപിനേയും കണ്ടുമുട്ടിയപ്പോള് നിങ്ങളുടെ ക്ഷേമത്തെക്കുറിച്ച് അന്വേഷിച്ചതായും കത്തില് പറയുന്നു.
ഇന്ത്യന് സമയം ചൊവ്വാഴ്ച രാവിലെ 10.35-ന് സുനിതയും ബുച്ച് വില്മോറും അടക്കമുള്ള സഞ്ചാരികളുമായി സ്പേസ് എക്സിന്റെ ക്രൂ-9 പേടകം ഭൂമിയിലേക്ക് യാത്ര തിരിച്ചിട്ടുണ്ട്. പേടകം ബുധനാഴ്ച പുലര്ച്ചെ 3.27-നാണ് ഭൂമിയില് ഇറങ്ങുക.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates