മുംബൈ: മുംബൈയില്‍ നിന്ന് ഡല്‍ഹിയിലേക്കുള്ള വിമാനയാത്രയ്ക്കിടെ ഫോണില്‍ ഹൈജാക്കിങിനെ കുറിച്ച് സംസാരിച്ച യുവാവിനെ അറസ്റ്റ് ചെയ്തു. മുംബൈ ഛത്രപതി ശിവജി മഹാരാജ് വിമാനത്താവളത്തില്‍ വ്യാഴാഴ്ച രാത്രിയാണ് സംഭവം.

'ഡല്‍ഹിയിലേക്ക് പോകാനിരുന്ന വിസ്താര വിമാനത്തിലെ ഒരു ക്രൂ അംഗം, ഒരു യാത്രക്കാരന്‍ തന്റെ ഫോണില്‍ ഹൈജാക്ക് ചെയ്യുന്നതിനെക്കുറിച്ച് സംസാരിക്കുന്നത് കേട്ടു. ഉടന്‍ തന്നെ ഈ വിവരം അധികൃതരെ അറിയിക്കുകയായിരുന്നു'  - പൊലീസ് പറഞ്ഞു.

പ്രതിക്ക് മാനസികാസ്വാസ്ഥ്യമുണ്ടെന്നും 2021 മുതല്‍ ചികില്‍സയിലാണെന്നും പൊലീസ് പറഞ്ഞു. ഇയാള്‍ക്കെതിരെ വിവിധ വകുപ്പുകള്‍ പ്രകാരം കേസ് എടുത്തതായി പൊലീസ് അറിയിച്ചു.

ഈ വാർത്ത കൂടി വായിക്കൂ

തിരുപ്പതിയില്‍ ദര്‍ശനത്തിന് എത്തിയ മൂന്നുവയസുകാരനെ പുലി കടിച്ചു; ഗുരുതര പരിക്ക്; വീഡിയോ

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ