ന്യൂഡല്‍ഹി: രാജ്യത്തെ ഇരുപത്തിയഞ്ചു ഹൈക്കോടതികളിലായി 59 ലക്ഷം കേസുകള്‍ കെട്ടിക്കിടക്കുന്നുണ്ടെന്ന് കേന്ദ്ര സര്‍ക്കാര്‍ പാര്‍ലമെന്റില്‍. സുപ്രീം കോടതിയില്‍ 69,000 കേസുകളാണ് തീര്‍പ്പാക്കാന്‍ ഉള്ളതെന്ന് നിയമ മന്ത്രി കിരണ്‍ റിജിജു രാജ്യസഭയെ അറിയിച്ചു.

ഫെബ്രുവരി ഒന്നു വരെയുള്ള കണക്ക് അനുസരിച്ച് 69,511 കേസുകളാണ് സുപ്രീം കോടതിയിലുള്ളത്. ഹൈക്കോടതികളില്‍ 59,87,477 കേസുകള്‍ കെട്ടിക്കിടക്കുന്നുണ്ട്. ഇതില്‍ 10.30 ലക്ഷം കേസുകള്‍ അലഹാബാദ് ഹൈക്കോടതിയില്‍ മാത്രമാണെന്നും നിയമ മന്ത്രി പറഞ്ഞു.

സിക്കിം ഹൈക്കോടതിയിലാണ് ഏറ്റവും കുറവു കേസുകള്‍ തീര്‍പ്പാക്കാനുള്ളത്- 171. 

ഈ വാര്‍ത്ത കൂടി വായിക്കൂ 

റേഡിയേഷന്‍ കാന്‍സര്‍ ഉണ്ടാക്കില്ല; ജനങ്ങളുടെ ഭീതി അകറ്റാന്‍ എംപിമാര്‍ രംഗത്തിറങ്ങണം; കേന്ദ്ര മന്ത്രി

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ