മുംബൈ: മൊബൈൽ ഫോണുകൾ മോഷ്ടിച്ചതിന് യുവാക്കളെ ന​ഗ്നരാക്കി ഘോഷയാത്ര നടത്തിയ സംഭവത്തിൽ ഒമ്പത് പേർക്കെതിരെ കേസ്. മുംബൈയിലെ കണ്ടിവാലിയിലെ ലാൽജി പാഡ പ്രദേശത്താണ് സംഭവം. പ്രതികളായ അഞ്ച് പേരെ അറസ്റ്റ് ചെയ്ത‌െന്ന് പൊലീസ് പറഞ്ഞു. 

ബുധനാഴ്ചയാണ് മൊബൈലുകൾ മോഷ്ടിച്ചെന്ന് ആരോപിച്ച് പ്രദേശവാസികൾ രണ്ടുപേരെ പിടികൂടിയത്. പിന്നീട് നാട്ടുകാർ ഇവരെ ഭീഷണിപ്പെടുത്തി നഗ്നരാക്കി ഘോഷയാത്ര നടത്തി. ഈ ദൃശ്യങ്ങൾ പകർ‌ത്തുകയും പിന്നീട് സമൂഹമാധ്യമങ്ങൾ വഴി പ്രചരിപ്പിക്കുകയും ചെയ്തു. 

പ്രതികൾക്കെതിരെ ഐപിസി സെക്ഷൻ 365, 307, 324, 506 (2), 143, 145, 147, 149 എന്നീ വകുപ്പുകൾ ചുമത്തി കേസെടുത്തിട്ടുണ്ട്. ഒമ്പത് പ്രതികളിൽ അഞ്ചുപേരെ കോടതിയിൽ ഹാജരാക്കി. ഇവർ പൊലീസ് കസ്റ്റഡിയിലാണ്.