തെലങ്കാന: കാറിന്റെ വിൻഡോ ഗ്ലാസ് കഴുത്തിൽ കുടുങ്ങി ഒൻപതു വയസ്സുകാരിക്ക് ദാരുണാന്ത്യം. വിവാഹം കഴിഞ്ഞു നവദമ്പതികളോടൊപ്പം യാത്ര ചെയ്യവെയാണ് സംഭവം. ബനോത് ഇന്ദ്രജ എന്ന പെൺകുട്ടിയാണ് മരിച്ചത്. 

സൂര്യപേട്ട് ജില്ലയിൽ ആണ് അപകടമുണ്ടായത്. വിവാഹച്ചടങ്ങുകൾക്കു ശേഷം വീട്ടിൽ നിന്നു മടങ്ങാൻ തുടങ്ങുമ്പോഴാണു അപകടമുണ്ടായത്. ഡ്രൈവർ അശ്രദ്ധമായി ഗ്ലാസ് ഉയർത്തിയതോടെ തല പുറത്തിട്ടിരിക്കുകയായിരുന്ന കുട്ടിയുടെ കഴുത്ത് അമർന്നു. ഉച്ചത്തിൽ പാട്ടുവച്ചതിനാലും പടക്കം പൊട്ടിച്ചതിനാലും കുട്ടിയുടെ കരച്ചിൽ ആരും കേട്ടില്ല. 

കുട്ടിയുടെ പിതാവിന്റെ പരാതിയിൽ ഡ്രൈവർക്കെതിരെ കേസെടുത്തു.

ഈ വാര്‍ത്ത കൂടി വായിക്കൂ

കൂനോയില്‍ രണ്ട് മാസം മുന്‍പ് ജനിച്ച ഒരു ചീറ്റ കുഞ്ഞുകൂടി ചത്തു

 സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ