പ്രതീകാത്മക ചിത്രം 
India

ബൈക്ക് ടാക്‌സികള്‍ക്കു തിരിച്ചടി; ഡല്‍ഹിയില്‍ അനുമതിയില്ല, സുപ്രീം കോടതി സ്‌റ്റേ

ഡല്‍ഹിയില്‍ ബൈക്ക് ടാക്‌സിക്ക് അനുമതി നല്‍കിയ ഹൈക്കോടതി ഉത്തരവ് സുപ്രീം കോടതി സ്‌റ്റേ ചെയ്തു

Author : സമകാലിക മലയാളം ഡെസ്ക്

ന്യൂഡല്‍ഹി: ഡല്‍ഹിയില്‍ ബൈക്ക് ടാക്‌സിക്ക് അനുമതി നല്‍കിയ ഹൈക്കോടതി ഉത്തരവ് സുപ്രീം കോടതി സ്‌റ്റേ ചെയ്തു. ഇക്കാര്യത്തില്‍ അന്തിമ നയം ആവുന്നതു വരെ ബൈക്ക് ടാക്‌സി കമ്പനികള്‍ക്കെതിരെ നടപടി പാടില്ലെന്ന ഇടക്കാല ഉത്തരവാണ് ജസ്റ്റിസുമാരായ അനിരുദ്ധ ബോസ്, രാജേഷ് ബിന്ദല്‍ എന്നിവരടങ്ങിയ ബെഞ്ച് സ്‌റ്റേ ചെയ്തത്. ഇതോടെ ബൈക്ക് ടാക്‌സി കമ്പനികള്‍ക്ക് ദേശീയ തലസ്ഥാനത്തുനിന്നു പിന്‍വാങ്ങേണ്ടി വരും.

ബൈക്ക് ടാക്‌സി കമ്പനികള്‍ക്കെതിരെ നടപടി പാടില്ലെന്നു നിര്‍ദേശിച്ച് മെയ് 26നാണ് ഡല്‍ഹി ഹൈക്കോടതി ഉത്തരവിറക്കിയത്. ഇതു ചോദ്യം ചെയ്ത് സംസ്ഥാന സര്‍ക്കാര്‍ നല്‍കിയ ഹര്‍ജിയിലാണ് സുപ്രീം കോടതി നടപടി.

ബൈക്ക് ടാക്‌സിക്ക് അനുമതിയില്ലെന്നും ഇക്കാര്യത്തില്‍ അന്തിമ നയം തയാറാവുന്നതേയുള്ളൂവെന്നും വ്യക്തമാക്കി നേരത്തെ സര്‍ക്കാര്‍ വിജ്ഞാപനം ഇറക്കിയിരുന്നു. ഇതു ചോദ്യം ചെയ്ത് ബൈക്ക് ടാക്‌സി കമ്പനികളായ റാപ്പിഡോയും ഊബറും നല്‍കിയ ഹര്‍ജിയിലാണ് ഹൈക്കോടതി ഇടപെട്ടത്. 

ജൂലൈ അവസാനത്തോടെ ടാക്‌സി നയം പ്രഖ്യാപിക്കുമെന്ന് സര്‍ക്കാരിനു വേണ്ടി ഹാജരായ സീനിയര്‍ അഭിഭാഷകന്‍ മനീഷ് വസിഷ്ഠ് സുപ്രീം കോടതിയെ അറിയിച്ചു. ഇതു രേഖപ്പെടുത്തിയ കോടതി കേസില്‍ അടിയന്തര വാദം കേള്‍ക്കലിനായി കമ്പനികള്‍ക്കു ഹൈക്കോടതിയെ സമീപിക്കാവുന്നതാണെന്ന് വ്യക്തമാക്കി.

ഈ വാര്‍ത്ത കൂടി വായിക്കൂ 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

543 സീറ്റുകള്‍ മതിയോ, 850 ആക്കണോ? മണ്ഡല പുനര്‍നിര്‍ണയത്തിന് ബിജെപിയുടെ 'ത്രിദിന പദ്ധതി', നാല് ആവശ്യങ്ങളുമായി പ്രതിപക്ഷം

'നേപ്പാളുമായുള്ള സൗഹൃദത്തെ ഇന്ത്യ വില മതിക്കുന്നു'; കേന്ദ്രമന്ത്രി ജയ്ശങ്കറുമായി കൂടിക്കാഴ്ച നടത്തി ബാലേന്ദ്ര ഷാ

ഗോവന്‍ ചലച്ചിത്ര മേളയില്‍ 'രാമായണ' പ്രദര്‍ശിപ്പിക്കും; ബ്രിക്‌സ് വിഭാഗത്തില്‍ ഉദ്ഘാടന ചിത്രം

മകളുടെ മുന്നിലിട്ട് ഭാര്യയെ വെട്ടിക്കൊലപ്പെടുത്തി; ഭർത്താവ് തൂങ്ങിമരിച്ചു

'സുരക്ഷാ മാനദണ്ഡങ്ങള്‍ പാലിക്കാതെ കുപ്പിവെള്ളം വിറ്റു';ബിസ്‌ലേരിക്കെതിരെ പ്രോസിക്യൂഷന്‍ നടപടിക്ക് അനുമതി