ന്യൂഡല്‍ഹി: കോവിഡ് രണ്ടാം തരംഗത്തിനിടെ ഗംഗാ നദിയില്‍ ഒഴുകിനടക്കുന്ന നിലയില്‍ കണ്ടെത്തിയ മൃതദേഹങ്ങളുടെ എണ്ണം സംബന്ധിച്ചുള്ള കണക്കുകള്‍ ലഭ്യമല്ലെന്നു കേന്ദ്ര സര്‍ക്കാര്‍. 

'കോവിഡിനെ തുടര്‍ന്നു മരണം സംഭവിച്ചതിനു ശേഷം ഗംഗാ നദിയില്‍ ഉപേക്ഷിക്കപ്പെട്ട നിലയില്‍ കണ്ടെത്തിയ മൃതദേഹങ്ങളുടെ എണ്ണം എത്രയെന്നതു സംബന്ധിച്ചുള്ള വിവരങ്ങള്‍ ലഭ്യമല്ല'- കേന്ദ്ര മന്ത്രി ബിശ്വേശ്വര്‍ ടുഡു പറഞ്ഞു. തൃണമൂല്‍ കോണ്‍ഗ്രസ് എംപി ഡെറിക് ഒബ്രിയന്റെ ചോദ്യത്തിനുള്ള മറുപടിയായിരുന്നു പ്രതികരണം. 

ഗംഗാനദിയില്‍ മൃതദേഹങ്ങള്‍ തള്ളിയ സംഭവത്തില്‍ വിവിധ സംസ്ഥാന സര്‍ക്കാരുകളോടു വിശദീകരണം തേടിയിട്ടുണ്ടെന്നും കേന്ദ്ര മന്ത്രി പറഞ്ഞു.